ޕީއެންސީ ޖަގަހަ ހުޅުވުން މިރޭ

ސަރުކާރު ހިންގާ މައި ޕާޓީ، ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޖަގަހަ ހުޅުވުމުގެ ރަސްމިއްޔާތު މިރޭ ބާއްވަން އެޕާޓީން ނިންމައިފިއެވެ.

މީގެ ކުރިން އެމްޑީޕީ އަދި ޑިމޮކްރެޓްސް ޖަގަހަ ހިންގި އިމާރާތް ކަމަށްވާ ހ.ވެޔޮވިލާ (އާޓިފިޝަލް ބީޗް ކުރިމަތި) ގައި ހުންނަ ޕީއެންސީގެ ޖަހަގަ ހުޅުވުމުގެ ރަސްމިއްޔާތު އޮންނާނީ މިރޭ 8:30 ގައިއެވެ.

ޖަގަހަ ހުޅުވައިދެއްވާނީ ޕްރޮގްރެސިވް ކޮންގްރެސް ކޯލިޝަންގެ ލީޑަރު އަދި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ކަމަށްވެސް ޕީއެންސީން މައުލޫމާތު ދެއެވެ.

އެހެންކަމުން، ޖަގަހަ ހުޅުވުމުގެ ރަސްމިއްޔާތުގައި ބައިވެރިވުމަށް ޕީއެންސީގެ މެމްބަރުން އަދި އެންމެހާ ދިވެހިރައްޔިތުންނަށް ޕީއެންސީން ވަނީ ދައުވަތު އަރުވާފައެވެ.