ސްޓޭޓް މިނިސްޓަރ ޝަމްނާޒް ހައްޔަރުކޮށްފި
ލިޔުންތެރިޔާ
ޚަދީޖާ އަރުފާ
ސްޓޭޓް މިނިސްޓަރ ޝަމްނާޒް އަލީ ސަލީމް ހައްޔަރުކޮށްފި އެވެ.
މިކަމާއި ގުޅިގެން ފުލުހުން ބުނީ، ފުލުހުން ތަހުގީގު ކުރަމުންދާ މައްސަލަ އަކާ ގުޅިގެން ސްޓޭޓް މިނިސްޓަރ ޝަމްނާޒް އާއި އިތުރު ދެ މީހަކު ޖޫން 23 ވަނަ ދުވަހު ހައްޔަރު ކޮށއފައިވާ ކަމަށެވެ. އަދި އެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން، 7 ދުވަހަށް ބަންދު ކުރުމަށް އަމުރު ކޮށްފައިވާ ކަމަށްވެސް ބުންޏެވެ.
މައުލޫމާތު ލިބިފައިވާ ގޮތުގައި އޭނާގެ މައްޗަށް ތުހުމަތު ކުރަނީ ދައުލަތުގެ އިސްވެރިއަކަށް ސިހުރު ހެދިކަމަށެވެ.
ޝަމްނާޒް އަކީ ރައީސުލްޖުމްހޫރިއްޔާ އޮފީހުގެ މިނިސްޓަރ އާދަމް ރަމީޒްގެ ކުރީގެ އަނބިކަނބަލުންނެވެ. މިނިސްޓަރު ކަމަށް އައްޔަނު ކުރެވުނު އިރުވެސް ދެކަނަބަލުން ތިބީ ކައިވެނި ކޮށްގެންނެވެ. ނަމަވެސް ދެކަނބަލުންގެ ކައިވެނި ވަނީ މިދިޔަ ޖޫން މަހު ރޫޅިފައެވެ.
ސަމްނާޒް އަކީ މީގެ ކުރިން މާލޭ ސިޓީ ކައުންސިލްގެ މެންބަރު ކަންވެސް ކުރެއްވި މީހެކެވެ. ނަމަވެސް ނޮވެމްބަރ މަހުގެ 19 ވަނަ ދުވަހު އިސްތިއުފާ ދެއްވުމުން، މުލިއާގޭގެ އިސްވެރިޔާގެ މަގާމު އޭނާއަށް ދީފައިވާއިރު، މިދިޔަ އޭޕްރީލް މަހު ވަނީ އެންވާރްމަންޓް މިނިސްޓްރީގެ ސްޓޭޓް މިނިސްޓަރ ކަމަށް ބަދަލުކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
