ގަވާއިދާ ޚިލާފަށް ރަޖިސްޓަރީކޮށްފައިވާ އުޅަނދުފަހަރު ގަވައިދަށް ފައްތަން ވަގުތުދެނީ
ގަވާއިދާ ޚިލާފަށް ރަޖިސްޓަރީކޮށްފައިވާ އުޅަނދުފަހަރުގެ މައްސަލަ ޙައްލުކޮށް ގަވައިދަށް ފަންތަން ވަގުތު ދެއްވަން ސަރުކާރުން ނިންމަވައިފިއެވެ.
މިނިސްޓްރީ އޮފް ހޯމްލޭންޑް ސެކިއުރިޓީން އިޢުލާންކޮށްފައިވާ ގޮތުގައި، ގަވާއިދާ ޚިލާފަށް ރަޖިސްޓަރީކޮށްފައިވާ އުޅަނދުފަހަރުގެ މައްސަލަ ޙައްލުކުރުމަށް ވަކި މުއްދަތެއް ދިނުމަށް ނިންމާފައިވެއެވެ. މާލެ ސަރަޙައްދުގެ ޓްރެފިކް އަދި ޕާކިންގ މައްސަލަތަކަށް އަވަސް ޙައްލެއް ހޯދުމަށްޓަކައި ބޭއްވި ބައްދަލުވުމަކަށްފަހު މިނިސްޓަރ އަލީ އިޙްސާން މަޢުލޫމާތު ދެއްވިއެވެ.
"ގަވާއިދާ ޚިލާފު އުޅަނދުތައް ބޭއްވުމަށް ވަކި ސަރަޙައްދެއް ކަނޑައަޅައި، އެ ސަރަޙައްދަށް 40 ދުވަހުގެ ތެރޭގައި އުޅަނދުތައް ގެންދަންޖެހޭނެ، އަދި އެ އުޅަނދުތައް ގަވާއިދަށް ފެއްތުމަށް 6 މަސްދުވަހުގެ މުއްދަތެއް ދެވޭނެ"
މިނިސްޓަރ އިޙްސާން ވިދާޅުވިއެވެ.
މިނިސްޓަރ އިތުރަށް ވިދާޅުވީ، ރައްޔިތުން ޚަރަދުކޮށްގެން ގަނެފައިވާ އުޅަނދުތައް ގަވާއިދާ އެއްގޮތަށް ބޭނުންކުރުމުގެ ފުރުޞަތު ފަހިކޮށްދިނުމަކީ ސަރުކާރުގެ އަމާޒެއްކަމަށެވެ.
މީގެއިތުރުން، މާލޭ ސަރަޙައްދުގައި ގަވާއިދާ ޚިލާފަށް ޕާކުކުރާ އުޅަނދުތައް ޓޯވުކުރުމަށް 9 ސަރަޙައްދެއް ކަނޑައަޅާފައިވާކަމަށާއި، މި ސަރަޙައްދުތައް އަވަހަށް އިޢުލާންކުރާނެކަމަށްވެސް މިނިސްޓަރ ހާމަކުރެއްވިއެވެ.
މި ފިޔަވަޅުތަކަކީ މާލޭގެ ޓްރެފިކް އަދި ޕާކިންގ މައްސަލަތައް ޙައްލުކުރުމަށް އެޅޭ މުހިންމު ފިޔަވަޅުތަކެއް ކަމަށްވެސް މިނިސްޓަރ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
