ބީއެމްއެލްއިން ޔޫއޭއީ ދިރުހަމާއި ޗައިނީސް ޔުއާން އިން މުއާމަލާތް ކުރެވޭ ގޮތް ހަމަޖައްސަނީ
ޔުނައިޓެޑް ޢަރަބްް އެމެރިޓްސް (ޔޫއޭއީ) ދިރުހަމު (އޭއީޑީ) އަދި ޗައިނީސް ޔުއާން އިން މުޢާމަލާތު ކުރެވޭ ގޮތް ތަޢާރަފުކުރަން ބޭންކް އޮފް މޯލްޑިވްސް، އިން ނިންމާފައިވާކަން މިރޭ އިއުލާން ކޮށްފިއެވެ.
މިކަން އިޢުލާން ކުރެއްވީ މިރޭ ކުރިއަށްދާ ބީއެމްއެލް އަހަރީ ޢާއްމު ޖަލްސާގައި ބީއެމްއެލްގެ ސީއީއޯ ކާރލް ސްޓުމްކަ އެވެ.
މި ޖަލްސާގައި ކާރލް ވިދާޅުވީ ބީއެމްއެލް މަސައްކަތް ކުރަމުން ދަނީ ރާއްޖޭގައި އެންމެން ހިޔާރުކުރާ ބޭންކަށްވުމުގެ އަމާޒުގައި ވަރަށްވެސް ސާބިތުކަމާއެކުގައި ކަމަށެވެ.
އަދި ޖިޓަލައިޒޭޝަންއަށް ސަމާލުކަން ދީގެން، ކަސްޓަރުންނަށް ދޭ ޚިދުމަތް އެންމެ މަތީ މިންގަނޑެއްގައި ހިފަހައްޓަން މަސައްކަތް ކުރާނެކަމަށްވެސް ކަރލް ވިދާޅުވިއެވެ.
ބީއެމްއެލް އިން މި މުޢާމަލާތްތައް ކުރެވޭނެ ގޮތް ތަޢާރަފް ކުރަން ނިންމާފައިވާއިރު މިދިޔަ އަހަރަކީ ބީއެމްއެލްއިން މިހާތަނަށް އެންމެ ރަނގަޅު މާލީ ނަތީޖާއެއް ހޯދި އަހަރުކަން ފާހަގަކޮށްލެވެއެވެ. މިދިޔަ އަހަރު ބީއެމްއެލް އަށް ވަނީ ދެ ބިލިއަން ރުފިޔާގެ ފައިދާއެއް ލިބިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
