ބޭރުމަގު ފުޅާކުރުމުގެ މަސައްކަތް ފަށައިފި، 455 ދުވަސްތެރޭ ނިންމާނެ
ލިޔުންތެރިޔާ
އަހުމަދު ހަމީދު އާދަމް
ބޮޑުތަކުރުފާނުމަގު އުތުރު ފަރާތުން މަގު ފުޅާކޮށް ތަރައްގީ ކުރުމުގެ މަޝްރޫއުގެ އަމަލީ މަސައްކަތް މިއަދު ރަސްމީކޮށްފަށައިފި އެވެ.
އެމްއެމްއޭ ކުރިމަތީ އޮތް ހާއްސަ ރަސްމިއްޔާތެއްގައި މި މަސައްކަތް ފައްޓަަވައި ދެއްވީ މިނިސްޓާ އޮފް ކޮންސްޓްރަކްޝަން ހައުސިން އެންޑް އިންފްރާސްޓްރަކްޗާ ޑރ. އަބްދުالله މުއްޠަލިބް އެވެ.
މި މަޝްރޫއަކީ ދިވެހި ދައުލަތުގެ ބަޖެޓުން ހަރަދުކޮށްގެން، މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާއިން، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީއާ ހަވާލުކޮށްފައިވާ މަޝްރޫއު އެކެވެ.
އެ ކުންފުންޏަށް މި މަސައްކަތް ހަވާލުކޮށްފައި ވަނީ 144,509,024.16 ރުފިޔާ އަށެވެ. މި މަސައްކަތް 455 ދުވަސްތެރޭ ނިންމަން ޖެހެ އެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ ބޮޑުތަކުރުފާނުމަގު އުތުރުފަރާތުން ފުޅާކޮށް ހަތަރު ލޭންއަށް މަގުހެދުމާއި 830 މީޓަރުގެ މަގުގައި ތާރު އެޅުމެވެ.
މީގެ އިތުރުން ހުޅާމެލެ ފެރީޓާމިނަލް އިން ފެށިގެން ލޯކަލް މާރުކޭޓާއި ހަމައަށް ދުވާރުތައް ހަދާނެ އެވެ. އަދި ފެން ހިންދާ ނިޒާމު ގާއިމުކުުރުމާއި ރޯޑް މާކިން އަދި ސައިން ބޯޑްތައް ހަރުކުރާނެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
