މޯލްޑިވިއަންއިން ލަގްޒަރީ ދަތުރުތައް ފަށަނީ؛ "ކިންގް އެއާ 360" ގެ ބޯޓެއް ގެނެސްފި
ގައުމީ އެއާލައިން -- މޯލްޑިވިއަންއަށް "ކިންގް އެއާ 360" މަރުކާގެ ބޯޓެއް ގެނެސްފި އެވެ.
މިއީ އެ ކުންފުނީގެ ހިދުމަތްތައް ފުޅާކޮށް ހާއްސަކޮށް ލަގްޒަރީ ދަތުރުތަކަށް ފަހިކުރުމަށް އެޅި މުހިންމު ފިޔަވަޅެކެވެ. މި ބޯޓް ގެނައުން ފާހަގަކުރުމަށް މިއަދު ވަނީ ހާއްސަ ރަސްމިއްޔާތެއް ބާއްވާފަ އެވެ.
މޯލްޑިވިއަން އިން ބުނީ 8 ފަސިންޖަރުން އުފުލޭ މި ބޯޓަކީ ލަގްޒަރީ ދަތުރުތަކަށް ހާއްސަ ބޯޓެއް ކަމަށެވެ. މި ބޯޓާއެކު ރާއްޖެ އަންނަ މުއްސަދީންނާއި ވިޔަފާރީގެ އެކި ދަތުރުތަކަށް ހާއްސަ ކުރާނެ އެވެ. މި ބޯޓުން ރާއްޖޭގެ އެކި ކަންކޮޅުތަކަށް ޗާޓަރު ދަތުރުތައް ވެސް ކުރާނެ އެވެ.
މިއީ ދުނިޔޭގައިވެސް ވަރަށް މަގުބޫލު ބުރޭންޑެއްގެ ބޯޓެކެވެ. އެއީ ބޯޓްގެ ދުވެލީގެ ހަލުވި ކަމާއި ބޯޓްގެ އެތެރޭގެ ހިތްފަސޭހަ ކަމުންނެވެ. އަދި ދަތުރުތަކަށް ބޮޑު ފަސޭހައެއް ލިބޭތީ އެވެ.
މޯލްޑިވިއަން އިން ބުނި ގޮތުގައި މި ބޯޓާއެކު ދެން ރޭގަނޑުގެ ދަތުރުތަކަށްވެސް ބޮޑު ފަސޭހައެއް ލިބޭނެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް