ކުޑަކުއްޖަކާ ބެހުނު މީހަކަށް އުމުރުދުވަހުގެ ޖަލު ހުކުމެއް1
ލިޔުންތެރިޔާ
އަބްދުﷲ ހުސައިން
ކުޑަކުއްޖަކާ ބެހުނު މީހަކު އުމުރުދުވަހަށް ޖަލަށްލުމަށް ކްރިމިނަލް ކޯޓުން މިއަދު ހުކުމްކޮށްފިއެވެ.
މި މައްސަލާގައި ހުކުމް ކޮށްފައިވަނީ ކުއްޖާގެ އިތުބާރު ހިފޭ މަގާމެއްގައި ހުރި މީހަކަށެވެ. ނަސްރުﷲ ނަމަކަށް ކިޔާ މި މީހާގެ މައްޗަށް ކޮށްފައިވާ ދައުވާތަކުގެ ތެރޭގައި ހިމެނެނީ، އިތުބާރުހިފޭ ފަދަ މަގާމެއްގައި ހުރެ ކުޑަކުއްޖަކާއެކު ޖިންސީ އަމަލެއް ހިންގުމުގެ ދައުވާ އާއި، ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުމުގެ އިތުރުން އޮރިޔާންކާޑު ގެންގުޅުމުގެ ކުށުގެ ދައުވާއެވެ.
މި މައްސަލަ ސިއްރުކޮށްގެން ކުރިއަށްގެންގޮސްފައިވާއިރު، އޭނާގެ މައްޗަށް ހުކުމްކޮށްފައިވަނީ، އިތުބާރުހިފޭ ފަދަ މަގާމެއްގައި ހުރެ ކުޑަކުއްޖަކާއެކު ޖިންސީ އަމަލެއް ހިންގުމުގެ ކުށުގައި 15 އަހަރަށް ޖަލަށް ލުމަށެވެ. މީގެ އިތުރުން ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުމުން އޭނާގެ މައްޗަށް ވަނީ 10 އަހަރަށް ޖަލަށްލުމަށްވެސް ހުކުމްކޮށްފައެވެ. ނަމަވެސް ނަސްރުﷲ ގެ މައްޗަށް އޮރިޔާން ކާޑު ގެންގުޅުނުކަމުގެ ދައުވާ ސާބިތުވެފައެއް ނުވެއެވެ.
މި މައްސަލަ ކޯޓަށް ހުށަހަޅާފައިވަނީ 2020 ވަނަ އަހަރުގެ ޑިސެމްބަރުމަހުގެ ތެރޭގައެވެ. ކުޑަކުދިންނަށް ޖިންސީ ގޯނާ ކުރުމަކީ ރާއްޖޭގައި އެންމެ ބޮޑެތި އަދަބުތައް ލިބޭ ކުށްތަކުގެ ތެރޭގައި ހިމެނޭ ކުށެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
