ދަ ޑިމޮކްރެޓްސްގެ ބާތިލުކޮށްފައިވާ މަގާމުތަކުގެ އިންތިހާބު ބާއްވާ ތާރީހު އިއުލާން ކޮށްފި
މިދިޔަ އަހަރުގެ ޑިސެންބަރު މަހުގެ 2 ވަނަ ދުވަހު ބޭއްވި ދަ ޑިމޮކްރެޓްސްގެ އެތެރޭގެ އިންތިހާބުގައި ދިމާވި މައްސަލަތަކަކާއި ގުޅިގެން ބާތިލުކޮށްފައިވާ އެޕާޓީގެ މަގާމުތަކުގެ އިންތިހާބު ބާއްވާ ތާރީހު އިއުލާން ކޮށްފިއެވެ.
ދަ ޑިމޮކްރެޓްސް ގެ ފަރާތުން ނެރުނު ނޫސް ބަޔާނެއްގައި ބުނީ ބާތިލު ކޮށްފައިވާމަގާމު ތަކުގެ އިންތިހާބު ބޭއްވުމަށް ފެބްރުއަރީ މަހުގެ 14 ވާ ހޮނިހިރު ދުވަހު ބޭއްވުމަށް ޕާޓީގެ ވަގުތީ އިންތިހާބާއި ބެހޭ ކޮމިޓީއިން ނިންމާފައިވާ ކަމަށެވެ.
މި މަގާމްތަކުގެ ނަތީޖާ އެ ޕާޓީ އިން ބާތިލު ކުރީ އެޕާޓީގެ ފުރަތަމަ ދައުރުގެ މަގާމުފުރާތަކުގެ އިންތިހާބުގައި، އިންތިހާބީ ޝަކުވާތަކާއި، ވަގުތީ ނަތީޖާއަށް ލިބުނު ޝަކުވާތަކާއި އަދި ވޯޓު ހައްގުވާ މިންވަރަށްވުރެ އިތުރަށް ވޯޓް ކަރުދާސް ދޫކޮށްފައިވާ ފޮށިތަކުގެ ނަތީޖާތައް ވަޒަންކުރުމަށްފަހު، އެ ޕާޓީގެ ވަގުތީ އިންތިހާބާއި ބެހޭ ކޮމިޓީއިން ނެވެ.
މިގޮތުން ދަ ޑިމޮކްރެޓްސް އިން ބާތިލު ކުރި މަގާމު ތަކަކީ:
1. ޔަންގް ޑެމްސް ލީޑަރު
2. ޔަންގް ޑެމްސް ގެ ޑެޕިއުޓީ ލީޑަރު
3. ނޮޅިވަރަމް ދާއިރާ ރައީސް
4. ނޫނު އަތޮޅު ޑިމޮކްރެޓްސް ރައީސް
މީގެ އިތުރުންވެސް ފޮށި ބަހައްޓަން ކަނޑައެޅިތަނުގައި ފޮށި ބަހައްޓާފައި ނުވުމާއި، އެހެންތަނެއްގައި ފޮށި ބަހައްޓައިގެންވެސް ވޯޓް ލާފައިނެތި ނަތީޖާ ނެރުމުގެ ސަބަބުން ރ. ދުވާފަރާއި، ގދ ފަރެސްމާތޮޑާ އާއި ނ.މިލަދޫ ގެ ވޯޓު ފޮށި ވަނީ އެ ޕާޓީން ބާތިލު ކޮށްފައެވެ.
އެ ޕާޓީން އިންތިހާބް އަލުން ބޭއްވުމަށް އިއުލާން ކޮށްފައިވާއިރު، ދެ މަސްވެގެން ދިޔައިރުވެސް އިންތިހާބް ބާއްވާފައިނުވާތީ ޕާޓީގެ ޒުވާނުން އަންނަނީ ޝަކުވާ ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
