ކެމްޕެއިން ދަތުރުތަކުގައި ރަސްމީ ލޯންޗްކޮޅު ބޭނުންކުރައްވަނީ ސަލާމަތީ ސަބަބުތަކަށްޓަކައި - ހޫދު
ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު އައްޑޫއަށް ކުރެއްވި ކެމްޕެއިން ދަތުރުފުޅުގައި ރަސްމީ ލޯންޗްކޮޅު ބޭނުންކުރެވީ ސަލާމަތީ ސަބަބުތަކަށްޓަކައި ކަމަށް ސަރުކާރުން ބުނެފިއެވެ.
ސަރުކާރުން އެފަދައިން ވިދާޅުވެފައިވަނީ ރައީސް އިބްރާހިމް މުހައްމަދު ސާލިހުގެ ކެމްޕެއިން ދަތުރުފުޅު ތަކަށް ޚަރަދު ކުރާނީ ދަތުރުތައް އިންތިޒާމް ކުރާ ފަރާތުން ކަމަށް އެމްޑީޕީން ބުނެފައިވަނިކޮށް ދާދި ފަހުން އައްޑޫއަށް ރައީސް ކުރެއްވި ކެމްޕެއިން ދަތުރުފުޅެއްގައި ރަސްމީ ލޯންޗްކޮޅު ބޭނުންކުރުމާއި ގުޅިގެން އާންމުންގެ ފާޑުކިއުން އަމާޒްވުމުންނެވެ.
އެކަމާއި ގުޅިގެން ބައެއް ނޫސްތަކަށް މައުލޫމާތު ދެއްވަމުން ރައީސް އޮފީހުގެ ތަރުޖަމާން އިބްރާހިމް ހޫދު ވިދާޅުވެފައިވަނީ ރައީސުލްޖުމުހޫރިއްޔާގެ ދަތުރުފުޅުތަކުގައި ރިޔާސީ ލޯންޗުކޮޅު ބޭނުންކުރައްވަނީ ސަލާމަތީ ސަބަބުތަކަށްޓަކައި ގައުމީ ދިފާއީ ބާރުން ކަމަށެވެ. އަދި މިހާތަނަށް ރައީސް ކުރައްވާފައިވާ ހުރިހާ ކެމްޕެއިން ދަތުރުތަކަށް ޚަރަދުކުރައްވާފައިވަނީވެސް އެމްޑީޕީން ކަމަށް ހޫދު ފާހަގަކުރައްވާފައިވެއެވެ.ނ އެގޮތުން ރައީސް އާއި އެމަނިކުފާނުގެ އަރިހުގައި ދަތުރުފުޅުކުރެއްވި ވަފުދާއި ސެކިއުރިޓީ އޮފިސަރުންގެ ހުރުމާއި ދަތުރުގެ ޓިކެޓްގެ ހުރިހާ ޚަރަދުތަކެއްވެސް ކޮށްފައިވަނީ އެމްޑީޕީން ކަމަށް ހޫދުވަނީ ވިދާޅުވެފައެވެ. އަދި އެމްޑީޕީގެ ކެމްޕެއިންގެ އެއްވެސް ކަމަކަށް ދައުލަތުން ޚަރަދުކުރައްވާފައި ނުވާކަމަށް އެނާ ވަނީ ވިދާޅުވެފައެވެ.
ރައީސްނ ސޯލިހުގެ އަރިހުގައި ކުރީގެ ރައީސް ނަޝީދު ވަޑައިގެންނެވީ ރައީސްގެ އެދިވަޑައިގަތުމަކަށް ކަމަށްވެސް ހޫދު ވަނީ ވިދާޅުވެފައެވެ.
ރައްޔިތުންގެ މަޖިލީހުގެ އިންތިޚާބަށް އެމްޑީޕީން ތައްޔާރުވަމުން އަންނަ އިރު އެޕާޓީގެ ޓިކެޓްގައި މަޖިލީހުގެ އިންތިޚާބުގައި ވާދަކުރައްވާ ފަރާތްތަކަށް ކެމްޕެއިން ކުރެއްވުމަށް ރައީސް އިބްރާހިމް މުހައްމަދު ސާލިހުކވަނީ އަތޮޅުތަކަށް ދަތުރު ފައްޓަވާފައެވެ. އެގޮތުން ފާއިތުވި ހަފްތާ ބަންދުގައި ވަނީ އައްޑޫއަތޮޅަށް ވަޑައިގަންނަވާފެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
