އަވައްޓެރި ލަންކާގެ ރައްޔިތުންނަށް ރާއްޖެއިން ތިންމަހުގެ އޮންއެރައިވަލް ވިސާ ދޭން ނިންމައިފި
ލިޔުންތެރިޔާ
އަބްދުﷲ ހުސައިން
އަވައްޓެރި ސްރީލަންކާގެ ރައްޔިތުންނަށް ރާއްޖެއިން 3 މަހުގެ އޮންއެރައިވަލް ވިސާ ދޭން ފަށައިފިއެވެ.
ރާއްޖެއާ އެންމެ ކައިރީ އޮންނަ ލަންކާގެ ރައްޔިތުންނަށް އޮންއެރައިވަލް ވިސާ ދޭން ފަށާފައިމިވަނީ އެޤައުމުގެ ރައީސް އަނޫރާ ކުމާރާ ޑިސަނައިކަ ރާއްޖެއަށް ކުރެއްވި ރަސްމީ ދަތުރުފުޅަށްފަހު ބޭއްވި މަޝްވަރާތަކުގައި އެއްބަސްވި ކަންކަމުގެ ތެރެއިންނެވެ. ލަންކާގެ ރައްޔިތުންނަށް ރާއްޖެއިން އޮންއެރައިވަލް ވިސާ ދޭން ނިންމި ނިންމުމަށް އަމަލުކުރަމުންގެންދާކަމަށް އިމިގްރޭޝަނުންވެސް ވަނީ ބުނެފައެވެ.
ރާއްޖޭގެ އިމިގްރޭޝަނުން ކުރި ޕޯސްޓެއްގައި ބުނެފައިވަނީ، ޖުލައިމަހުން ފެށިގެން ލަންކާގެ ރައްޔިތުންނަށް ރާއްޖެއިން އޮންއެރައިވަލް ވިސާ ލިބޭނޭކަމަށެވެ. އެއީ 90 ދުވަހެވެ.
ސްރީލަންކާއަކީ ރާއްޖެއާ އެންމެ ކައިރީގައި އޮންނަ އެންމެ އަވައްޓެރި ޤައުމެވެ. ރައްޖެއަށް މިނިވަންކަން ލިބުމަށްފަހު އެންމެފުރަތަމަ ސިޔާސީގުޅުން ގައިމްކޮށްފައިވަނީ ލަންކާއާ އެވެ. ލަންކާ ފާހަގަކުރެެވެނީ ޒަމާނުއްސުރެވެސް ދިވެހިން އެކި ބޭނުންތަކުގައި އެންމެ ގިނައިން ގޮސްއުޅޭ ޤައުމުގެ ގޮތުގައެވެ.
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާގޮތުގައި މިއަހަރުގެ ޖޫންމަހުގެ ނިޔަލަށް ސްރީލަންކާއިން ރާއްޖެއަށް ފަތުރުވެރިންގެ ގޮތުގައި 5,174 މީހުން ޒިޔާރަތްކުރިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
