އެމްޑަބްލިޔުއެސްސީން ރަމަޟާން މަހުގެ ބިލްތަކަށް ޑިސްކައުންޓް ދިނުމަށް ހަމަޖެހުފައިވާ ގޮތް ހާމަކޮށްފި

ރަމަޟާންމަހު، ގޭބިސީތަކުގެ ފެންބިލާއި ކަރަންޓުބިލުން ޑިސްކައުންޓް ދެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވުމާއި ގުޅިގެން، އެމްޑަބްލިޔުއެސްސީން ކަސްޓަމަރުންނަށް ޑިސްކައުންޓު ދިނުމަށް ހަމަޖެހިފައިވާ ގޮތް ހާމަކޮށްފިއެވެ.

އެމްޑަބްލިޔުއެސްސީން ކުރި އިއުލާނެއްގައި ބުނީ، އެ ކުންފުނިން ފޮނުވާ ބިލްތަކުން ”އާއްމު މަހަކަަށްވުރެ ބޮޑު ނުވާނޭ ގޮތުގެ މަތީން“ ޑިސްކައުންޓް ދިނުމަށް ހަމަޖެހިފައިވަނީ އަންނަނިވި އުސޫލުގެ ތެރެއިން ކަމަށެވެ.

1) އާއްމު މަހެއްގައި" ފެނާއި ކަރަންޓް ބިލުގެ މިންވަރު ކަމުގައި ބަލާނީ، 2024 ވަނ އަހަރުގެ ފެބްރުއަރީ، މާރތް އަދި އޭޕްރީލް މަސް ނުހިމަނައި އެ އަހަރުގެ ބާކީ އޮންނަ ނުވަ މަހުގެ އެވރެޖް މިންވަރު.

2) ކަނޑައެޅޭ "އާންމު މަހުގެ" ބިލުގެ މިންވަރަށްވުރެ އޭޕރިލްމަހު ތައްޔާރު ކުރެވޭ ބިލް ބޮޑު ނަމަ، އެ ބޮޑުވާ މިންވަރު ޑިސްކައުންޓްގެ ގޮތުގައި އޭޕްރީލް މަހު ފޮނުވާ ބިލުން އުނިކޮށްދެވޭނެ

3) މިގޮތުން އުނިކުރެވޭ މިންވަރަކީ އޭޕްރީލް މަހު ފޮނުވާ ބިލްގެ %10 އަށްވުރެ ކުޑަމިންވަރެއް ކަމުގައިވާނަމަ، %10 އާއިއެއްވަރަށް ޑިސްކައުންޓްގެ މިންވަރު މަތިކޮށްދެވޭނެ

4) 2025 އޭޕްރީލް މަހު ފޮނުވާ ބިލް، ”އާއްމު މަހުގެ“ ބިލަށއވުރެ ކުޑަ ނަމަ، ޑިސްކައުންޓްގެ ގޮތުގައި އޭޕްރީލް މަހު ފޮނުވާ ބިލުން %10 ޑިސްކައުންޓް ދެވޭނެ.

5) އޭޕްރިލް މަހުގައި އަލަށް ބިލްކުރެވޭ މީޓަރުތަކަށާއި، ކުރިން ރެޖިސްޓަރ ކުރެވިފައިވީ ނަމަވެސް، މިހާތަނަށް ބިލް ކުރެވިފައިނުވާ ކަސްޓަމަރުންނަށް ފޮނުވާ ފުރަތަމަ ބިލަކީ 2025 އޭޕރިލް މަހު ފޮނުވާ ބިލް ކަމުގައިވާނަމަ، އެފަދަ ފަރާތްތަކަށްވެސް އޭޕްރީލް މަހު ފޮނުވާ ބިލުން %10 ޑިސްކައުންޓް ދެވޭނެ.

މިކަމާ ގުޅޭ އިތުރު އެއްވެސް ކަމެއް ސާފުކުރަން ބޭނުންވާނަމަ އެ ކުންފުނީގެ ކަސްޓަމަރ ކެއާސެންޓަރުގެ ހޮޓްލައިން 105 ގުޅުއްވުމުން ނުވަތަ 1050 ށް އެސް.އެމް.އެސް ފޮނުއްވުމުން ނުވަތަ [email protected] އަށް އީމެއިލްކުރެއްވުމުން އެހީތެރިކަން ލިބޭނެ ކަމަށް ބުނެފައިވެއެވެ.