އެމްޑީޕީގެ މަޖިލިސް ކެންޕެއިން ހިނގާލުން ނިންމާލައިފި، މިފަހަރު ތަރުހީބު ކުޑަ
ލިޔުންތެރިޔާ
ޚަދީޖާ އަރުފާ
ދިވެހިރާއްޖޭގައި އޮތް އެންމެ ބޮޑު ޕާޓީ، އަދި މިހާރުގެ އިދިކޮޅު މައި ޕާޓީން ކުރިއަށް ގެންދިޔަ “މިސްރާބު ހަމަމަގަށް” މަޖިލިސް ކެންޕެއިން ނިންމާލުމަށް ބޭއްވި ހިނގާލުމަށް ލަދުވެތި ފިނި ތަރުހީބެއް ލިބިއްޖެއެވެ.
އެމްޑީޕީން "މިސްރާބު ހަމަމަަގަށް" ނަމުގައި ކުރިއަށްގެންދިޔަ މަޖިލިސް އިންތިޚާބު ނިންމައިލުމަށް މިއަދު ހަވީރު މާލޭގައި އެ ޕާޓީން ބޭއްވި ހިނގަައިލުން އޮންނާނެކަން މިމަހު 15 ވަނަ ދުވަހު އެޕާޓީން އިއުލާން ކޮށް އެ ހިނގާލުމަށް ވޭހާވެސް ގިނަ ޕާޓީއަށް ސަޕޯޓްކުރާ މީހުން އައުމަށް އެދި މީސްމީޑިއާގައި ޕޯސްޓުތައް ކޮށް ޝެއަރ ކޮށްފައިވެއެވެ.
އަދި މިއަދުވެސް އެ ހިނގާލުމަށް މީހުން އައުމަށް އެދި އެކި ޕޯސްޓުތައް ޕާޓީ އިސް ބޭފުޅުންވެސް މީސްމީޑިއާގައި އާއްމު ކޮށްފައިވެއެވެ.
މި ހިނގާލުން މިއަދު ހަވީރު 4:00 ސޯޝަލް ސެންޓަރުން ފަށާފައިވާއިރު ހިނގައިލުން ނިންމައިލީ އާޓިފިޝަލް ބީޗަށެވެ. ހިނގާލުން ފެށި އިރުވެސް މާ ގިނަ ބަޔަކު އެ ސަރަހައްދުން ފެންނަން ނެތް އިރު ހިނގާލުން ނިންމާލީވެސް އެމްޑީޕީގެ “ސައިޒް” އާ ބަލައި މަދު މީސްކޮޅަކާއިއެކުގައިކަން ފާހަގަކޮށްލަންޖެހެއެވެ.
މިއީ ފަހުގެ ތަރީޚެއްގައިވެސް އެމްޑީޕީން ބޭއްވި މިފަދަ ސިޔާސީ ހަރަކާތަކަށް މިހާ ފިނި ތަރުހީބެއް ލިބުނު ފުރަތަމަ ފަހަރެވެ. ޚާއްސަކޮށް މާލެ ސިޓީއަކީ މީގެ ކުރިން އެމްޑީޕީގެ ބޮޑު މެޖޯރިޓީއެއް އޮތް ތަނަކަށް ވީ ނަމަވެސް ނިމިދިޔަ ރިޔާސީ އިންތިޚާބުގައިވެސް އެ ޕާޓީއަށް މާލެއިން އަޣުލަބިއްޔަތު ލިބިފައި ނުވާކަން ފާހަގަކޮށްލަންޖެހެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
