ކީކިމިނީގައި ގާއިމް ކޮށްފައިވާ ފިޝަރީޒް ކޮމްޕްލެކްސް އިން މަސް ގަންނަން ފަށައިފި!

މަސްގަނެ އެކްސްޕޯޓްކުރުމުގެ ހުއްދަ ދީފައިވާ ށ. ކީކިމިނީގައި ގާއިމް ކޮށްފައިވާ ފިޝަރީޒް ކޮމްޕްލެކްސް އިން ކަނޑު މަސްގަންނަން ފަށައިފިއެވެ.

އައިލެންޑް އެންޓަޕްރައިސަސް އިން ހިންގާ ކީކިމިނީ ފިޝަރީޒް ކޮމްޕްލެކްސްގައި 1900 ޓަނު ކޯލްޑް ސްޓޯރޭޖެއް ގާއިމްކޮށްފައިވާ އިރު، އެތަން މިފަހުން އޮޕަރޭޝަނަށް ގެނެސްފައިވަނީ އިއްޔެއެވެ.

އެގޮތުން އެ ކުންފުނިން ބުނީ، އިއްޔެއިން ފެށިގެން ކީކިމިނީއަށް ކަނޑުމަސް ގަތުމަށް ހުޅުވާލާފައިވާ ކަމަށެވެ. އެގޮތުން ކީކިމިންޏަށް މަސް ވިއްކަން ބޭނުންވާ ފަރާތްތަކުން 7999230 ނުވަތަ 9754667 އަށް ގުޅައިގެން މަސް ކިރުމުގެ އިންތިޒާމް ހަމަޖެއްސުމަށް ވަނީ އެދިފައެވެ.

ކީކިމިނީން ގަތުމަށް ހަމަޖެހިފައިވަނީ ކަޅުބިލަ މަހާއި ކަންނެއްޔެވެ. އެގޮތުން 1.5 ކިލޯ އިން މަތި ނަމަ 13 ރުފިޔާއަށް ގަތުމަށް ނިންމާފައިވާއިރު, 1.5 އިން ދަށް ނަމަ ގަތުމަށް ހަމަޖެހިފައިވަނީ 5.5 ރުފިޔާ އަށެވެ.