މަޖިލީހުގެ ރައީސް ކަމަށް އަސްލަމްގެ ނަން އެމްޑީޕީގެ ފަރާތުން ހުށައަޅައިފި
ވެރިކަން ކުރާ މައި ޕާޓީ އެމްޑީޕީ ގެ ފަރާތުން ހިތަދޫ އުތުރު ދާއިރާގެ މެމްބަރު މުހައްމަދު އަސްލަމްގެ ނަން ރައްޔިތުންގެ މަޖިލީހުގެ ރައީސް ކަމަށް ހުށައަޅައިފިއެވެ.
އެމްޑީޕީގެ ފަރާތުން އަސްލަމް ގެ ނަން މަޖިލީހުގެ ރައީސް ކަމަށް ހުށައަޅާފައި މިވަނީ އެ ޕާރޓީގެ ޕީޖީ މީޓިން ގައި ފާސް ކޮށްގެންނެވެ.
ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު މަގާމުން އިސްތިއުފާ ދެއްވުމާއި ގުޅިގެން މަޖިލީހުގެ ރައީސް ކަމަށް ބޭފުޅަކު ހޮވުމުގެ ޖަލްސާ މިރެއަށް ވަނީ އެޖެންޑާ ކުރެވިފައެވެ.
ރައީސް ނަޝީދު މިއަދު އިސްތިއުފާ ދެއްވާފައިވާއިރު ރައްޔިތުންގެ މަޖިލީހުގެ ތަޅުމަށް އެމަނިކުފާނުގެ އިތުބާރު ނެތްކަމުގެ މައްސަލަ މިއަދު ދިޔައީ ކުރިއަށެވެ. އެ ގަރާރަކީ އެމްޑީޕީގެ 49 މެންބަރުންގެ ސޮޔާއެކު ހުށަހެޅިގެން ކުރިއަށްދާ ގަރާރެކެވެ.
އިސްތިއުފާ ދެއްވައި ފޮނުއްވި ސިޓީފުޅުގައި ރައީސް ނަޝީދު ވިދާޅުވެފައިވަނީ އެމަނިކުފާނު އިތުރަށް ރައްޔިތުންގެ މަޖިލީހުގެ ރައީސް ކަމުގައި ހުރެއްޖެނަމަ މެޖޯރިޓީ ޕާޓީން މަޖިލީހަށް ދޭ ގެއްލުން ބޮޑުވަމުންދާނެ ކަމަށް ގަބޫލުކުރެވޭ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
