ޔޫއޭއީގައި ހިފެހެއްޓި ދިވެހި ދެ ޕައިލެޓުން ރާއްޖެ ފޮނުވާލައިފި
ދުބާއީން އިސްރާއީލުގެ ތެލް އަވީވަށް ދަތުރުކުރި ފްލައިދުބާއީގެ ފްލައިޓެއްގެ ކޮކްޕިޓް ތެރޭގައި ހިނގި ނުރައްކާތެރި ހާދިސާއާ ގުޅިގެން އެ ޤައުމުގެ ކަމާބެހޭ އިދާރާތަކުން ފަަށާފައިވާ ތަޙުޤީޤަށް ބަންދުކުރި ދިވެހި ދެ ޕައިލެޓުން ރާއްޖެ ފޮނުވާލައިފި އެވެ.
އެކަން ފުލުހުން ވަނީ ޔަޤީންކޮށްދީފަ އެވެ. ފުލުހުންގެ އިސް ތަރުޖަމާން ވިދާޅުވީ ޔޫއޭއީގެ އިދާރާތަކުން ހިފެހެއްޓި ދެ ޕައިލެޓުން މިއަދު ރާއްޖެ އައިސްފައިވާ ކަމަށެވެ. އަދި އެކަމާއި ގުޅިގެން ބަލަން ޖެހޭ ކަންކަން ބަލާ މައުލޫމާތު ސާފު ކުރަމުންދާ ކަމަށް ވިދާޅުވި އެވެ.
އެ ދެ ޕައިލެޓުން ރާއްޖެ ފޮނުވާލީ ކީއްވެ ކަމެއް ސާފެއް ނުވެ އެވެ. އަދި އެ ހާދިސާއާ އެ ދެ މީހުންނާއި އޮތް ގުޅުމަކީ ކޮބައިކަމެއް ނުވަތަ ތުހުމަތު ކުރަނީ ކޮން ކަމެއް ކަމެއް ސާފެއް ނުވެ އެވެ.
ސަރުކާރުން ކުރީން ބުނީ އެ ދެ ދިވެހީން ޔޫއޭއީގެ ފުލުހުން ހައްޔަރުނުކުރާ ކަމަށެވެ. އެ ދެ މީހުން ހާޒިރުކުރީ ސުވާލު ކުރުމަށް ކަމަށްވެސް ބުންޏެވެ. ނަމަވެސް މިދިޔަ ދުވަސްތަކުގައި އެ ދެ މީހުން ތިބީ ބަންދުގައި ކަމަށް އެނގިފައިވެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
