ބޯކޮށް ވާރޭވެހޭނެ ކަމަށް ލަފާކޮށް ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެފި

ބޯކޮށް ވާރޭވެހި ގުގުރާނެ ކަމަށް ލަފާކޮށް ށ. އަތޮޅުން ފެށިގެން އައްޑޫސިޓީއާ ހަމައަށް ހުދު ސަމާލެއް ނެރެފިއެވެ.

މޫސުމާ ބެހޭ ޤައުމީ އިދާރާ (މެޓް) އިން އެ ސަރަހައްދަށް ސަމާލު ނެރެފައިވަނީ ހެނދުނު 08:00 އިން މެންދުރުފަހު 14:00 އަށެވެ.

އެ ވަގުތުތަކުގައި އެ ސަރަހައްދަށް ބޯ ވާރޭވެހި ގުގުރުން އެކަށީގެންވާ ކަމަށް މެޓުން ބުނެއެވެ.

މީގެ އިތުރުން މެޓުން ވަނީ ބ އަތޮޅު ތ އަތޮޅަށް ރީނދޫ ސަމާލުވެސް ނެރެފައެވެ. އެ ސަމާލު ނެރުނީ 9:30 އިން 13:00 އަށެވެ.

މެޓުން ބުނެފައިވާ ގޮތުން ކުރިއަށް ހަފްތާ މުޅި ރާއްޖެއަށްވެސް މޫސުން ގޯސްވާނެއެވެ.

އެގޮތުންބއެ އިދާރާއިން އެންމެ ފަހުން ޢާންމުކުރި ސެޓެލައިޓް ފޮޓޯއިން ފެންނަ ގޮތުގައި މުޅި ރާއްޖެ، ޚާއްޞަކޮށް މެދުތެރެއާއި ދެކުނުގެ އަތޮޅުތަކުގެ މަތީގައި ވިއްސާރަ ވިލާ ވަރަށް ބޯކޮށް އެބައޮތެވެ.