އެމްޓީސީސީގެ މަޝްރޫއުތަކުގެ އަޕްޑޭޓް ވަގުތުން ފެންނާނެ ގޮތް ހަމަޖައްސައިފި
އެމްޓީސީސީގެ މަޝްރޫއުތަކުގެ އަޕްޑޭޓް ވަގުތުން ފެންނާނެ ގޮތް ހަމަޖައްސައިފިއެވެ.
އެމްޓީސީސީން ބުނީ އަލަށް ތައާރަފްކުރި މި ޑޭޝްބޯޑު ފީޗަރ އަކީ ދެފުށް ފެންނަ ހާމަގޮތެއްގައި އެ ކުންފުނީގެ މަސައްކަތްތައް ކުރިއަށް ގެންދިއުމަށް ކުރާ މަސައްކަތުގެ ދަށުން ތައާރަފު ކުރި ފީޗަރ އެއްކަމަށެވެ.
މި ފީޗަރ މެދުވެރިކޮށް އަތޮޅުތެރޭގައި އެމްޓީސީން ހިންގާ ޕްރޮޖެކްޓުތަކާއި ޕްރޮޖެކްޓުތައް ކުރިއަށް ގޮސްފައި ހުރި މިންވަރު އަދި ހުއްޓިފައި ހުރި ޕްރޮޖެކްޓުތަކުގެ މައުލޫމާތު ވެސް ފެންނައިރު، އެމްޓީސީސީގެ ޕްރޮޖެކްޓު ޑޭޝްބޯޑު މެދުވެރިކޮށް ކޮންމެ ތަނެއްގައި ހުރެގެން، ރިއަލް ޓައިމްކޮށް ޕްރޮޖެކްޓުތަކުގެ އަޕްޑޭޓު ބަލާލެވޭނެކަމަށް އެ ކުންފުނިން ބުނެއެވެ.
އެމްޓީސީސީން ބުނީ، ޕްރޮޖެކްޓް ޑޭޝްބޯޑުގެ ހޯމްޕޭޖުން ފެންނަ ރާއްޖޭގެ ޗާޓުން އެމްޓީސީސީން ޕްރޮޖެކްޓުތައް ކުރިއަށް ގެންދާ ރަށްތައް ފެންނާނެކަމަށާއި، ކޮންމެ އަތޮޅަކަށް ކްލިކްކޮށްލުމުން އެ އަތޮޅެއްގައި ކުރިއަށް ގެންދާ މަޝްރޫއުތަކުގެ އަދަދު ފެންނާނެކަމަށާއި އެ އަތޮޅަކަށް ކްލިކްކޮށްލުމުން އަތޮޅު ޗާޓާ އެކު ޕްރޮޖެކްޓު ކުރިއަށްގެންދާ ރަށްތައް ފެންނާނެކަމަށެވެ.
ޕްރޮޖެކްޓު ކުރިއަށްދާ ރަށަށް ކްލިކް ކޮށްލުމުން އެ ރަށެއްގައި ކުރިއަށްދާ މަޝްރޫއުތަކުގެ މައުލޫމާތު ވެސް ފެންނަ ގޮތަށް ފަރުމާ ކޮށްފައިވާ މި ފީޗަރއިން މަޝްރޫއުތައް ކުރިއަށް ގެންދާ ސަރަހައްދާއި މަސައްކަތުގެ ސްކޯޕު އަދި މަޝްރޫއުގެ އަގާ އެކު މަސައްކަތް ގޮސްފައިވާ މިންވަރުވެސް ފެންނާނެކަމަށް އެމްޓީސީސީން ބުނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
