ހައި ކޯޓުގެ ފަނޑިޔާރު ޝަކީލް ރިޓަޔަރ ކުރައްވައިފި
ހައިކޯޓުގެ ފަނޑިޔާރު އަލްއުސްތާޛު އަޙްމަދު ޝަކީލް މިއަދު ރިޓަޔަރކުރައްވައިފިއެވެ.
ފަނޑިޔާރު ޝަކީލް ރިޓަޔަރ ކުރެއްވިކަން އިއުލާނުކޮށް ޖޭއެސްއީން ބުނެފައިވަނީ ފަނޑިޔާރު ކަމުގައި 20 އަހަރުގެ ދިގު ހިދުމަތަކަށްފަހު އަލްއުސްތާޛު އަޙްމަދު ޝަކީލް މިއަދު މަގާމުން ރިޓަޔަރ ކުރެއްވުމާއި ގުޅިގެން އެ ކޮމިޝަންގެ މެމްބަރުންނާއި މުވައްޒަފުންގެ ނަމުގައި ތަހުނިޔާ ދަންނަވާ ކަމަށެވެ.
މީގެ އިތުރުން ދިވެހިރާއްޖޭގެ ފަނޑިޔާރުންގެ ޤާނޫނާއި، ފަނޑިޔާރުންގެ ރިޓަޔަރމެންޓް ޤަވާދުގެ ދަށުން، ފަނޑިޔާރުކަމުން ފަނޑިޔާރު އަލްއުސްތާޛު އަޙްމަދު ޝަކީލް ރިޓަޔަރ ކުރެއްވީ، ހިތުގެ ބައްޔެއްކަމަށްވާ "ސިކް ސައިނަސް ސީންޑްރޯމް" އާލާސް ކަންފުޅުގައި އުޅުއްވާތީ ކަމަށްވެސް އެ އިދާރާއިން ބުނެފައިވެއެވެ.
ސިއްހީ ސަބަބާހުރެ ފަނޑިޔާރުން ރިޓަޔަރކުރުމަކީ ގާނޫނާއި ގަވާއިދުގައި ކަނޑައަޅާފައިވާ ގޮތުގެ މަތިން އެ ކޮމިޝަނުން އަދާކުރަމުންދާ މަސްއޫލިއްޔަތެކެވެ. ސިއްހީ ސަބަބަށްޓަކައި މި އަހަރު މިހައިތަނަށް ހަތަރު ފަނޑިޔާރަކު ރިޓަޔަރކޮށްފައި ވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
