އިންވެސްޓްމަންޓްތައް ގިނަވާން ފެށީމަ ޑޮލަރު ތިޔާގިވެ، ލިބޭލެއް އަވަސްވާނެ: ރައީސް ޑރ.މުއިއްޒު
ބިޔަ ބޮޑެތި މަޝްރޫއުތައް ހިންގައި، އިންވެސްޓްމަންޓް ތައް ގިނަވާން ފެށީމަ ޑޮލަރު ތިޔާގިވެ، ލިބޭލެއް އަވަސް ވާނެ ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ރައީސް ޑރ.މުއިއްޒު މިފަދައިން ވިދާޅުވީ ރައީސް އޮފީހުން ގެނެސްދެމުން އަންނަ "ރައީސްގެ ޖަވާބު" ޕްރޮގްރާމްގެ މިއަދު ކ.މާފުށީ، ޖަންބުމާގޭ، އަހްމަދު ސަމީރު، ޑޮލަރު ލިބުމުގައި ހުރި ދަތިކަން ހައްލު ކުރެވޭނެ ތާރީޚަކާ ގުޅޭގޮތުން އެމަނިކުފާނާއި ސުވާލުކުރެއްވުމުންނެވެ.
" އިރާދަކުރެއްވިއްޔާ ބިޔަބޮޑު މަޝްރޫޢުތައް ހިނގަން ފެށީމަ އަދި އިންވެސްޓްމަންޓްތައް ގިނަވާން ފެށީމަ އިރާދަކުރެއްވިއްޔާ ޑޮލަރު ތިޔާގިވާނެ. އިރާދަކުރެއްވިއްޔާ ޑޮލަރު ލިބޭލެއް އަވަސްވާނެ. ފަސޭހަވާނެ"
ރައީސް ޑރ.މުއިއްޒު ވިދާޅުވިއެވެ.
ސަމީރުގެ ސުވާލަށް ޖަވާބުދެއްވަމުން ރައީސް ޑރ.މުއިއްޒު ވިދާޅުވީ ޑޮލަރުގެ ތާށިކަމަށް ހައްލު ގެނެވޭނީ އިޤްތިޞާދީގޮތުން ގެންނަން ޖެހޭ އިސްލާހުތައް ގެނެސްގެން ކަމަށާއި ޑޮލަރުގެ މައްސަލަ ހައްލުކުރުމަށް އިޤްތިޞާދު އިތުރަށް ފުޅާކުރަން ޖެހޭކަމަށެވެ.
ރައީސް ޑރ.މުއިއްޒު މިފަދައިން ވިދާޅުވެފައިވާއިރު، އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވަނީ ޑޮލަރުގެ މައްސަލަ ކުރިއަށް އޮތް ދެތިން މަސް ދުވަސްތެރޭ ހައްލުކުރެވޭނެ ކަމަށް ބުނެފައެވެ.
އަދި މި މައްސަލަ ކުރިމަތިވާން ދިމާވި އެންމެ ބޮޑު ސަބަބަކީ ނިމިދިޔަ ސަރުކާރުން ސޮވެރިން ޑިވެލޮޕްމަންޓް ފަންޑަށް ޖަމާކުރަމުންދިޔަ ފައިސާ ބޭނުންކޮށްފައިވާތީކަމަށް ވަޒީރު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
