އެމްޑީޕީގެ ޕާލިމަންޓަރީ ގްރޫޕުގެ ލީޑަރު ކަމުގެ އިންތިޚާބަށް ހުޅުވާލައިފި

ވެރިކަން ކުރާ މައި ޕާޓީ އެމްޑީޕީގެ ޕާލިމަންޓަރީ ގްރޫޕުގެ ލީޑަރު ކަމުގެ އިންތިޚާބަށް ހުޅުވާލައިފިއެވެ.

މިކަމާއި ގުޅިގެން އެމްޑީޕީން ނެރެފައިވާ އިއުލާނެއްގައި ވަނީ ޕާޓީގެ ހުސްވެފައިވާ ޕާލިމަންޓަރީ ގްރޫޕުގެ ލީޑަރު ހޮވުމަށް ބާއްވާ އިންތިޚާބު 23 ނޮވެމްބަރު 2023 ވާ ބުރާސްފަތި ދުވަހު ބޭއްވުމަށް ހަމަޖެހިފައިވާ ކަމަށެވެ.

އިންތިޚާބަށް ކުރިމަތިލުމުގެ ފުރުޞަތު މިއަދުން ފެށިގެން 18 ނޮވެމްބަރ 2023 ވާ ހޮނިހިރު ދުވަހުގެ 18:00 ނިޔަލަށް ވަނީ ހުޅުވާލެވިފައެވެ.

އެމްޑީޕީން އާ ޕީޖީ ލީޑަރެއް ހޮވުމަށް ހުޅުވާލައިފައިވަނީ ކުރިން އެމަގާމުގައި ހުންނެވި މުހައްމަދު އަސްލަމް ރައްޔިތުންގެ މަޖިލީހުގެ ރައީސް ކަމަށް ހޮވުމާއި ގުޅިގެން  އެ މަގާމުން އިސްތިއުފާ ދެއްވުމާއި ގުޅިގެންނެވެ. އަސްލަމް މަޖިލީހުގެ ރައީސް ގެ ގޮތުގައި ހަމަޖައްސާފައި ވަނީ މަޖިލީހުގެ ކުރީގެ ރައީސް މުހައްމަދު ނަޝީދު މަގާމުން އިސްތިއުފާ ދެއްވުމާއި ގުޅިގެން މެމްބަރުންގެ މެދުގައި ނެގުނު ވޯޓަކުންނެވެ.

އަސްލަމް އެމްޑީޕީގެ ޕީޖީ ލީޑަރުގެ މަގާމަށް އައްޔަނު ކުރެވުނީ ފެބްރުއަރީ 2022 ގައި އެވެ.