މޮރޮކޯގެ ބޮޑުވަޒީރު ދެއްވި އަގުބޮޑު ކާޕެޓު، ޝާހިދު ގެޔަށް ގެންދިޔަ މައްސަލަ އޭސީސީއަށް
ފޮރިން މިނިސްޓަރު އަބްދުﷲ ޝާހިދު، ދާދިފަހުން މޮރޮކޯއަށް ކުރެއްވި ރަސްމީ ދަތުރުފުޅުގައި، އެގައުމުގެ ބޮޑުވަޒީރު ޑރ.ސާދު، ދެއްވި އަގުބޮޑު ކާޕެޓެއް އަމިއްލަ ގެޔަށް ގެންދިޔަ މައްސަލަ އެންޓިކޮރަޕްޝަން ކޮމިޝަން (އޭސީސީ) އަށް ހުށަހަޅައިފިއެވެ.
އަބްދުﷲ ޝާހިދު ރަސްމީ ދަތުރުފުޅެއްގައި މޮރޮކޯއަށް ވަޑައިގަތީ މިދިޔަ މަހުގެ 13 ގައެވެ.
''ވޮއިސް'' އަށް މައުލޫމާތު ދެއްވަމުން އޭސީސީގެ މީޑިއާ އޮފިޝަލު މިއަދު ވިދާޅުވީ، މިނިސްޓަރު އަބްދުﷲ ޝާހިދުގެ ގެޔަށް ކާޕެޓެއް ގެންދިޔަ ކަމަށް ބުނެ، އަމިއްލަ ފަރާތަކުން އެކޮމިޝަނަށް މައްސަލަ ހުށަހަޅާފައިވާކަމަށެވެ.
އޭނާ ވިދާޅުވީ އެމައްސަލަ ހުށަހެޅީ މިއަދު ކަމަށާއި މިހާރު މައްސަލައި ބަލައިގެންފައިވާކަމަށެވެ.
ރަސްމީ ހައިސިއްޔަތުން، ބޭރު ގައުމުތަކަށް ކުރާ ޒިޔާރަތްތަކުގައި އެގަުމުތަކުން ހަދިޔާގެ ގޮތުގައި ލިބޭ ތަކެތި ދިވެހި ދައުލަތާއި ހަވާލު ކުރަން ޖެހެއެވެ. އަދި އެއީ ގާނޫނު ލާޒިމް ކުރާ ކަމެެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
