ދެކުނުގެ އަތޮޅުތަކަށް މޫސުން ގޯސް
ލިޔުންތެރިޔާ
އަބްދުﷲ ހުސައިން
ރާއްޖޭގެ އެންމެ ދެކުނަށް މޫސުންގޯސްވާނެކަމަށް ލަފާކޮށް ވައިޓް އެލާޓް ނެރެފިއެވެ.
މޯލްޑިވްސް މީޓިއޮލޮޖިކަލް ސެންޓަރުން ދެކުނުގެ އަތޮޅުތަކަށް މޫސުން ގޯސްވާނޭކަމަށް ލަފާކޮށް ވައިޓް އެލާޓް ނެރެފައިވަނީ، މިރޭގެ 19:45 ހާއިރަށެވެ. މެޓް އޮފީހުން ބުނީ ވައިޓް އެލާޓް ނެރެފައިވާ ގަޑިތަކުގައި ބޯކޮށް ވާރޭވެހުމާއެކު، ގުގުރާނޭކަމަށް ލަފާކުރެވޭ ކަމަށެވެ. އަދި ވިލާ ގަނޑުގައި ގަޑިއަކު 40 މޭލަށް ވައި ގަދަވާނޭކަމަށްވެސް ވަނީ ލަފާކޮށްފައެވެ.
ހިނގަމުންމިދަނީ ހުޅަނގު މޫސުމުގެ ފުސްނަކަތުގެ އެންމެ ފަހު ދުވަހެވެ. ކުރިއަށް ދެން އޮތީ އަހުލިހަ ނަކަތެވެ. މިއީ ހުލަނގު މޫސުމުގެ 9 ވަނަ ނަކަތެވެ. ނަކަތްތެރިން ބުނާގޮތުގައި މި ނަކަތުގައި ޢާންމުގޮތެއްގައި އުޑުމަތި އޮންނާނީ ސާފުކޮށެވެ. ވައިމަޑުވުމާއެކު ކަނޑުތައް ވެސް މަޑުވާނެއެވެ. ވައިޖެހޭނީ ސީދާ ހުޅަނގުންނެވެ
އަހުލިހަ ނަކަތުގައި މަސްވެރިކަން ރަނގަޅުވާނެއެވެ. އެގޮތުން ފުސް ނަކަތުގައި އަތޮޅުގެ އައްސޭރިފަށާ ކައިރިން ފެނުނު މަސްއައިންތައް މި ނަކަތުގައި މަޑުމަޑުން އަތޮޅުތަކާ ދުރަށް ދާނޭކަމަށް އިހުގެ މީހުން ބުނެއުޅެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
