އަޒަރުބައިޖާން އެއާލައިނުން ބަކޫ އާއި ވީއައިއޭ އާ ދެމެދު، އުދުހުންތައް ފަށައިފި
ލިޔުންތެރިޔާ
އަބްދުﷲ ހުސައިން
އަޒަރުބައިޖާން އެއާލައިނުން ބަކޫ އާއި ވީއައިއޭ އާ ދެމެދު، އުދުހުންތައް ފަށައިފިއެވެ.
މިކަމާ ގުޅޭގޮތުން ވެލާނާ އިންޓަރނޭޝަނަލް އެއާޕޯޓް ހިންގާ މޯލްޑިވްސް އެއާޕޯޓްސް ކޮމްޕެނީން ބުނީ، އަޒަރުބައިޖާންގެ ވެރިރަށް ބަކޫއިން ވީއައިއޭއަށް އަޒަރުބައިޖާން އެއާލައިނުން ސީދާ ދަތުރުތައް މިއަދު ފަށާފައިވާކަމަށެވެ. މި ދަތުރުތަކުގެ ފުރަތަމަ ފްލައިޓް ވީއައިއޭއަށް ޖައްސާފައިވަނީ ހެނދުނު 09:45 ގައެވެ.
މި ދަތުރުތަކުގެ ފުރަތަމަ ފްލައިޓަށް މަރުހަބާކިޔުމުގެ ގޮތުން ހެނދުނު ވަނީ ވީއައިއޭގައި ހަފްލާއެއް ބާއްވާފައެވެ. މި ހަފްލާގައި އެމްއޭސީއެލްގެ އެމްޑީ އަދި ސީއީއޯ އިބްރާހިމް ޝަރީފާއި، ޑެޕިއުޓީ މެނޭޖިންގ ޑިރެކްޓަރު މުހައްމަދު ލަމްޢާން ލަތީފްގެ އިތުރުން ކުންފުނީގެ އިސް ފަރާތްތައް ބައިވެރިވިއެވެ.
މިކަމާ ގުޅޭގޮތުން އެމްއޭސީއެލްގެ ޗީފް ކޮމާޝަލް އޮފިސަރު މުހައްމަދު މިހާދު ވިދާޅުވީ، ވީއައިއޭއަށް އަލަށް ފެށުނު ރޫޓާއެކު ދަތުރުފަތުރުގެ ގުޅުން ވަރުގަދަވެ، ރާއްޖެއަށް ޒިޔާރަތްކުރާ ފަތުރުވެރިންނަށް ފަސޭހައިން ދަތުރުކުރެވޭނެ މަގު ފަހިވެގެން ދާނޭކަމަށެވެ.
އަޒަރުބައިޖާން އެއާލައިނުގެ ޗީފް ކޮމާޝަލް އޮފިސަރ ޖަމީލް މަނިޒާޑޭ ވިދާޅުވީ ފިނި މޫސުމާ ދިމާކޮށް އަޒަރުބައިޖާން އެއާލައިނުގެ ސީދާ ދަތުރުތައް ރާއްޖެއަށް ފެށިގެންދިއުމަކީ އެޤައުމުގެ ފަތުރުވެރިންނަށް ލިބޭނެ ވަރަށްބޮޑު ފަސޭހައެއް ކަމަށެވެ.
އެމްއޭސީއެލުން ބުނީ އަޒަރުބައިޖާން އެއާލައިނުގެ މި ދަތުރުތަކުގައި ބޭނުންކުރާނީ އެއާބަސް ބީ 787 މަރުކާގެ މަތިންދާބޯޓުކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
