ޕާކިސްތާން އަތުން ބަލިވެ، ފައިނަލަށް ދިއުމުގެ ދޮރު ރާއްޖެއަށް ބަންދުވެއްޖެ
ލިޔުންތެރިޔާ
އަބްދުﷲ ހުސައިން
މިހާރު ކުރިއަށްދާ ޑައިމަންޑް ޖުބިލީ އިންޓަނޭޝަނަލް ފުޓުބޯޅަ މުބާރާތުގައި މިއަދު ދިވެހިރާއްޖެ ޕާކިސްތާނާ ދެކޮޅަށް ކުޅުނުމެޗުން ބަލިވުމުން މުބާރާތުގެ ފައިނަލަށް ދިއުމުގެ ފުރުސަތު ރާއްޖެއަށް ގެއްލިއްޖެއެވެ.
މުބާރާތުގައި މިއަދު ޕާކިސްތާން އަތުން ރާއްޖެ ބަލިވީ 3-0 ގެ ނަތީޖާއަކުންނެވެ. މެޗްގައި ޕާކިސްތާނު މޮޅުވިއިރު، އެޓީމުގެ ފަރާތުން ވަނީ މޮޅު ކުޅުމެއް ފެނިގެންގޮސްފައެވެ. އެގޮތުން މިއަދުގެ މެޗް ޑޮމިނޭޓްކުރީ ޕާކިސްތާނުންނެވެ. މެޗްގެ ފުރަތަމަ ހާފްގައި ދެޓީމުންވެސް ވަނީ ލަނޑުޖަހާނެ ރަނގަޅު ފުރުސަތުތައް ލިބިގެންގޮސްފައެވެ. އެގޮތުން ކައުންޓަރ އެޓޭކްގައި ގޯލް ޖަހާނެ ރަނގަޅު ފުރުސަތުތައް ރާއްޖޭގެ ކުޅުންތެރިން ވަނީ ހޯދާފައެވެ.
މެޗްގެ ފުރަތަމަ ހާފް ނިމުނުއިރު 0-0 ގެ ނަތީއްޖާއިން ނިމުނުއިރު، ފުރަތަމަ ހާފް ފަށައި ރައްޖެއިން ވަނީ ޕާކިސްތާނުގެ ޑިފެންސަށް ނުަރައްކާކޮށްފައެވެ. މެޗްގައި ޕާކިސްތާގެ ފުރަތަމަ ލަނޑު ޖަހާފައިވަނީ 53 ވަނަ މިނެޓް ތެރޭގައެވެ. މި ލަނޑު ޖަހައިދިނީ، ނަވާޒެވެ. ޕާކިސްތާނުގެ ދެވަނަ ލަނޑު 83 ވަނަ މިނެޓް ތެރޭގައި ޝަހުޒާދު ކާމިޔާބުކޮށްދިން އިރު ތިންވަނަ ލަނޑު ޖަހައިދިނީ، ރާޝިދެވެ.
މެޗްގައި ރާއްޖޭގެ ޓީމުން ވަނީ ފަހު ހާފްގައި އަލީ ފާސިރު (ސެންޓޭ) އާއި ނައްސާހް ކުޅެން އަރުވާފައެވެ.
ޕާކިސްތާނު މެޗުން ރާއްޖެ ބަލިވިއިރު، މިރޭ ބަންގްލަދޭޝް އާއި އަފްޢާނިސްތާން ބައްދަލުކުރާ މެޗް ކޮންމެ ގޮތަކަށް ނިމުނަސް ރާއްޖެއަށް ފައިނަލަށް ދެވޭނެ އެއްވެސް ފުރުސަތެއް ނޯންނާނެއެވެ. ރާއްޖެ ވަނީ ފުރަތަމަ މެޗްގައި އަފްޢާން އަތުންވެސް ބަލިވެފައެވެ.
މުބާރާތުގައި މިރޭ އަފްޢާނިސްތާން ނިކުންނާނީ ބަންގްލަދޭޝް އާ ދެކޮޅަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
