މ. އަތޮޅުގެ ހަތް ރަށެއްގެ ޔުޓިލިޓީ ޚިދުމަތްތައް ސްޓެލްކޯއިން ދޭން ފަށައިފި
ލިޔުންތެރިޔާ
ސްޓާފް ރައިޓަރ
ފެނަކަ ކޯޕަރޭޝަނުގެ ދަށުން ހިންގަމުން އައި މ. އަތޮޅުގެ ހުރިހާ ރަށެއްގެ އިންޖީނުގެތަކާއި ޔުޓިލިޓީ ޚިދުމަތްތައް ސްޓެލްކޯއާ މިއަދު ރަސްމީކޮށް ހަވާލުކޮށްފިއެވެ.
ސްޓެލްކޯއިން ސޯޝަލް މީޑިއާގައި ހާމަކުރި ގޮތުގައި އެ ކުންފުންޏާ ހަވާލުވި ރަށްތަކުގެ ތެރޭގައި ހިމެނެނީ ދިއްގަރާއި ކޮޅުފުށްޓާއި މަޑުއްވަރީގެ އިތުރުން މުއްޔާއި ނާލާފުށްޓާއި ރަތްމަންދޫ އަދި ވޭވަށެވެ. މި ހަވާލުކުރުމުގެ އެއްބަސްވުމުގައި ސޮއިކުރީ ސްޓެލްކޯގެ ހެޑް އޮފީހުގައި ބޭއްވި ޚާއްޞަ ރަސްމިއްޔާތެއްގައެވެ.
އެއްބަސްވުމުގައި ސްޓެލްކޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ޑރ. ޢަލީ އަޒުވަރެވެ. ފެނަކައިގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މުޙައްމަދު ޢަފީފް ޙުސައިނެވެ.
ސްޓެލްކޯއިން ބުނީ މި ބަދަލަކީ ޢާންމުންނަށް ފޯރުކޮށްދޭ ޚިދުމަތްތައް އިތުރަށް ތަރައްޤީކުރެއްވުމަށް ރައީސް ޑރ. މުޙައްމަދު މުޢިއްޒު ގެންނަވަމުން ގެންދަވާ ބަދަލުތަކުގެ ތެރެއިން ކުރެވުނު ކަމެއް ކަމަށެވެ.
ފެނަކައިން ޚިދުމަތް ދެމުން އައި ތިން އަތޮޅެއް ސްޓެލްކޯގެ ދަށަށް ބަދަލުކުރަން ސަރުކާރުން ނިންމީ މިދިޔަ އެޕްރީލް މަހުގައެވެ. އެއީ މ. އަތޮޅުގެ އިތުރުން ބ. އަތޮޅާއި ޅ. އަތޮޅެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
