މިއޮތީ ޑިޕިންގ ޗީޒް ސޯސްގެ ރެސިޕީ، ކޮންމެހެންވެސް މި ޓްރައި ކުރަންވާނެ!

ޗީސް ސޯހަކީ ސަބްމެރިން، ބާގަރ ނޫނީ ސޭންޑްވިޗް ފަދަ ތަކެތި ތައްޔާރުކުރާއިރު ބޭނުން ކުރުމަށާ، އެފަދަ ތަކެއްޗާއި، ފިހުނު ކުކުޅާއި، ފިހުނު މަހާއި، ތެލުލި ކުކުޅާއި ތެލުލި މަހުގެ އިތުރުން ޗިޕްސް ފަދަ ތަކެތި ޖަހައިގެން ކާލަންވެސް ވަރަށް މީރު ސޯހެކެވެ. މިއީ ތައްޔާރު ކޮށްލަންވެސް އެހާމެ ފަސޭހަ ސޯހެކެވެ.

ބޭނުންވާ ތަކެތި

5 ޗެޑަރ ޗީޒް ސްލައިސް

2 މޭޒުމަތީ ސަމުސާ ފުލް ކްރީމް މިލްކް

1/2 ޖޯޑު ގާނާފައި ހުރި ޗެޑަރ ޗީޒް

ތައްޔާރު ކުރާނެ ގޮތް

1) ތަވައަކަށް ސްލައިސް ޗީޒް އެޅުމަށްފަހު މަޑު ގިނީގައި ބަހަށްޓައިގެން ޗީޒް މެލްޓް ކޮށްލާށެވެ.

2) ދެން އޭގެ ތެރެއަށް ކިރު އެޅުމަށްފަހު އެކުލަވާލާފައި، ގާނާފައު ހުރި ޗީޒް އަޅައިވެސް އެކުލަވާލާށެވެ.

3) ހުރިހާ ޗީޒް މެލްޓްވެ އެކުވުމުން އުނދުން ނިއްވާލާށެވެ. ޗީޒް ސޯސް އެހުރީ ތައްޔާރު ވެފައެވެ.