ޤައުމީ އުފެއްދުންތެރިކަމުގެ މައުރަޒުގެ މޯބައިލް އެޕްލިކޭޝަން ކެޓަގަރީން ތިންވަނަ އީޒެޕަށް
ރާއްޖޭގެ ޤައުމީ އުފެއްދުންތެރިކަމުގެ މައުރަޒުން ފަހުރުވެރި ވަނައެއް ރާއްޖޭގެ އެންމެ ފުރަތަމަ ސުޕަ އެޕްލިކޭޝަން "އީޒެޕް" އިން ހޯދައިފިއެވެ.
ރޭ ބޭއްވި ޤައުމީ އުފެއްދުންތެރިކަމުގެ މައުރަޒުގެ ވަނަ ދިނުމުގެ ރަސްމީ ހަފްލާގައި އީޒެޕަށް ލިބިފައިވަނީ ފޯން އެޕްލިކޭޝަންތަކުގެ ބައިން ތިންވަނައެވެ. މި ހަފްލާގައި އީޒެޕަށް ލިބުނު އެވޯޑު އެ ފަރާތާ ހަވާލުކޮށްދެއްވީ އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދެވެ.
މޯބައިލް އެޕްލިކޭޝަނުގެ ބައިން އީޒެޕަށް ޤައުމީ ފެންވަރުގެ މިފަދަ ބޮޑު ކާމިޔާބީއެއް ލިބިގެންދިޔައިރު، މި އެޕްލިކޭޝަން ވުޖޫދަށް އައިތާ އަދި ވީ އެންމެ 21 މަސްދުވަހެވެ. މި ކުރު މުއްދަތުގެ ތެރޭގައި މިފަދަ ޝަރަފުވެރި ވަނައެއް ހޯދުމަކީ އެ އެޕްލިކޭޝަނަށް ލިބުނު ބޮޑު ކުރިއެރުމެކެވެ.
އީޒެޕަކީ އެންމެ ގިނަ ހިދުމަތްތަކެއް އެއް ފުރާޅެއްގެ ދަށުން ފޯރުކޮށްދިނުމަށް ރާއްޖޭގައި އެންމެ ފުރަތަމަ ތައާރަފްކުރި ސުޕަ އެޕްލިކޭޝަނެވެ. މި އެޕް މެދުވެރިކޮށް ކާބޯތަކެއްޗާއި، ގްރޮސަރީގެ އިތުރުން ސައިކަލް ޓެކްސީ އަދި ވިޔަފާރީގެ ތަފާތު އެތައް ހިދުމަތްތަކެއް ޑިޖިޓަލްކޮށް އަންނަނީ ފޯރުކޮށްދެމުންނެވެ. އީޒެޕުން މައުލޫމާތު ދޭ ގޮތުގައި، އެ އެޕް މެދުވެރިކޮށް ޝޮޕިންގްގެ ހިދުމަތް ތައާރަފްކުރި ފަހުން، އެ ކުންފުނީގެ މިހާރުގެ މިސްރާބަކީ ފުރިހަމަ އީ-ކޮމާސް ޕްލެޓްފޯމަކަށް އެޕްލިކޭޝަން ބަދަލުކުރުމެވެ.
އީޒެޕް މޯބައިލް އެޕްލިކޭޝަން އެންޑްރޮއިޑް އަދި އެޕަލް އެޕް ސްޓޯރުން ފަސޭހަކަމާއެކު މިހާރު ޑައުންލޯޑް ކުރެވެން ހުރިއިރު، އެ ކުންފުނީގެ ވަޓްސްއަޕް ނަންބަރު 7560606 އަށް މެސެޖްކޮށްލައިގެން ވެސް ވަރަށް ފަސޭހަކަމާއެކު އީޒެޕްގެ ހިދުމަތްތައް ހޯދޭނެ އިންތިޒާމު މިހާރު ވަނީ ހަމަޖައްސާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
