އާސަންދަ އެބްރޯޑް ޕޯޓަލްގައި ބައިވެރިވުމުގެ ފުރުސަތު ހުޅުވާލައިފި
ރާއްޖެއިން ބޭރުގައި ދިރިއުޅެމުންދާ ފަރާތްތަކަށް އާސަންދައިގެ ޚިދުމަތް ފޯރުކޮށްދިނުމަށް ގާއިމްކޮށްފައިވާ އާސަންދަ އެބްރޯޑް ޕޯޓަލްގައި ބައިވެރިވުމުގެ ފުރުސަތު ހުޅުވާލައިފިއެވެ.
އެގޮތުން ލަންކާ، އިންޑިއާ އަދި މެލޭޝިއާގައި ދިރިއުޅޭ ރައްޔިތުންނަށް މި ޕޯޓަލްގައި ބައިވެރިވުމުގެ ފުރުސަތު މިއަދުން ފެށިިގެން ވަނީ ހުޅުވާލާފައެވެ.
މި ޕޯޓަލްގައި ބައިވެރިވުމުގެ ކަންކަން ފަސޭހަކުރުމަށް ހުކުރު ދުވަހު ހަވީރު 4:00 އިން ފެށިގެން ސްރީލަންކާގައި ހުންނަ އާސަންދަ އޮފީހުގައި "އާސަންދަ އެބްރޯޑް ރަޖިސްޓްރޭޝަން ކޭމްޕް" ގެ ނަމުގައި ކޭމްޕެއް ކުރިއަށް ގެންދިއުމަށް ވަނީ ނިންމާފައެވެ.
މި ކޭމްޕް ކުރިއަށްދާނީ 29 މާރޗުން ފެށގެން 30 މާރޗްގެ ނިޔަލަށް، ކޮންމެ ދުވަހެއްގެ ހެނދުނު 10:00 އިން ރޭގަނޑު 10:00 އާ ހަަމައަށެވެ.
ރާއްޖެއިން ބޭރުގައި ދިރިއުޅޭ ދިވެހިންނަށް އާސަންދަ ހަަމަޖެހޭނެކަމަށް ރައީސުލްޖުމްހޫރިއްޔާ ހާމަކުރައްވާފައިވަނީ ސްރީލަންކާއަށް ކުރެއްވި ދަތުރުފުޅުގެ ތެރެއިންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
