267 މިލިއަން ރުފިޔާއަށް ކުނބުރުދޫގެ ހަތަރު މަޝްރޫއެއް އެމްޓީސީސީއަށް
ކުނބުރުދޫ ތަރައްގީއަށް މުހިންމު ހަތަރު މަޝްރޫއެއް ހިންގަން އެމްޓީސީސީއަށް ހަވާލުކޮށްފިއެވެ.
މި މަޝްރޫއުތައް އެމްޓީސީސީއަށް ހަވާލުކޮށްފައިވަނީ މިހާރު ރައީސް ޑރ. މުޙައްމަދު މުޢިއްޒު އެ އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ހެނދުނު އެ ރަށަށް ވަޑައިގެން ވަކިވަކިން ބޭއްވި ޚާއްސަ ރަސްމިއްޔާތުތަކެއްގައެެވެ.
އެގޮތުން އެމްޓީސީސީއަށް ހަވާލުކޮށްފައިވަނީ ޞިއްޙީ މަރުކަޒުގަށް އިތުރުކުރެވޭ އިމާރާތުގެ މަސައްކަތާއި، ބަނދަރު ތަރައްޤީ ކުރުމުގެ މަޝްރޫއު އާއި ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއުގެ އިތުރުން ސްކޫލް އިމާރާތް ކުރުމުގެ މަޝްރޫއެވެ.
މި މަސައްކަތްތަކުގެ ތެރެއިން ސްކޫލު މަޝްރޫއުގެ ދަށުން 9500 އަކަފޫޓުގެ ސަރަހައްދެއްގައި 3 ފަންގިފިލާގެ އިމާރާތެއް ބިނާ ކުރެވޭނެއެވ.ެ މި މަޝްރޫޢަކީ 22.63 މިލިއަން ރުފިޔާއަށް 540 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރޫޢެކެވެ.
އަދި ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއުގެ ދަށުން 9.89 ހެކްޓަރުގެ ސަރަހައްދެއްގެ ބިން ހިއްކުމާއ،ި 1616 މީޓަރުގެ ސަރަހައްދެއްގައި ރިވެޓްމެންޓް ޖެހުމާއ،ި 230 މީޓަރުގެ ސަރަހަ އްދެއްގައި ގްރޮއިން ޖެހުމުގެ މަސައްކަތް ކުރާނެއެވެ. މި މަޝްރޫޢަކީ 169.11 މިލިއަން ރުފިޔާއަށް 480 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރޫޢެކެވެ.
މީގެ އިތުރުން ޞިއްޙީ މަރުކަޒުގަށް އިތުރުކުރެވޭ އިމާރާތުގެ މަސައްކަތުގެ ދަށުން އަލަށް އިތުރުކުރެވެ އިމާރާތާއެކު ގަރާޖަކާއި ވަށައިފާރެއް ރޭނުމުގެ މަސައްކަތް ހިމެނޭއިރު، މިއީ 8.17 މިލިއަން ރުފިޔާއަށް 300 ދުވަސްތެރޭގައި ނިންމަން އެމްޓީސީސީއާ ޙަވާލުކޮށްފައިވާ މަޝްރޫއެކެވެ.
އަދި ބަނދަރު ތަރައްޤީ ކުރުމުގެ މަޝްރޫއުގެ ދަށުން 28،740.90 ކިއުބިކް މީޓަރުގެ ސަރަހައްދެއްގެ ފަޅު އަދި ނެރު ފުންކުރުމާއި، 444 މީޓަރުގެ ސަރަހައްދެއްގައި އެއްގަމުތޮށި ލުމާއި، 20 މީޓަރުގެ ނެރު ބޭރުތޮއްޓެއް ލުމާއި، 246 މީޓަރުގެ ބަނދަރު ބޭރުތޮއްޓެއް ލުމާއި، 38 މީޓަރުގެ މޫދު އަޑިއަށް ވާގޮތަށް ބޭރުތޮއްޓެއް ލުމާއި، 16 މީޓަރުގެ ރިވެޓްމެންޓް ޖެހުމާއި، 2945 އަކަ މީޓަރުގެ ސަރަހައްދެއްގައި ޕޭވްމަންޓް ހެދުމުގެ އިތުރުން ބަނދަރު ބައްތި ހަރުކުރުމުގެ މަސައްކަތް ކުރާނެއެވެ. މި މަޝްރޫޢަކީ 67.41 މިލިއަން ރުފިޔާއަށް 450 ދުވަސްތެރޭ ނިންމަން އެމްޓީސީސީއާ ހަވާލުކޮށްފައިވާ މަޝްރޫޢެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
