ކުޅިވަރުގައި ނަޒާހަތްތެރިކަން ކުރިއެރުވުމަށް "ޕަޗަސް" ކެމްޕެއިން އިފްތިތާޙުކޮށްފި
ކުޅިވަރުގައި ނަޒާހަތްތެރިކަން ކުރިއެރުވުމަށް "ޕްރޮމޯޓިން އެންޓި-ކޮރަޕްޝަން، އޮނެސްޓީ އެންޑް އެކައުންޓެބިލިޓީ އިން ސްޕޯރޓސް" (ޕަޗަސް) ގެ ނަމުގައި، އެންޓި-ކޮރަޕްޝަން ކޮމިޝަނުން ކެމްޕެއިނެއް އިފްތިތާޙުކޮށްފިއެވެ.
އެންޓި-ކޮރަޕްޝަން ކޮމިޝަނާއި ކުޅިވަރާއި ހަށިހެޔޮކަމާ ބެހޭ ވުޒާރާއާ ގުޅިގެން ކުޅިވަރުގެ ދާއިރާ ކޮރަޕްޝަނުން ސަލާމަތްކުރުމާއި، ކުޅިވަރުގައި ނަޒާހަތްތެރިކަން ކުރިއެރުވުމުގެ މަޤްސަދުގައި ހިންގާ މި ކެމްޕޭން އިފްތިތާޙުކޮށް ދެއްވީ 22 ޖުލައި 2024 ގައި މިކަމަށްޓަކައި އެންޓި-ކޮރަޕްޝަން ކޮމިޝަނުގައި ބޭއްވި ޚާއްސަ ރަސްމިއްޔާތެއްގައި ކުޅިވަރާއި ހަށިހެޔޮކަމާ ބެހޭ ވަޒީރު އަލްފާޟިލް ޢަބްދުﷲ ރާފިޢުއެވެ.
މި ކެމްޕޭނުގައި ހިމެނޭ މައިގަނޑުކަންކަމަކީ؛
- ކުޅިވަރުގެ ދާއިރާގައި ކޮރަޕްޝަން ދިރާސާކޮށް ފިޔަވަޅު އެޅުމަށް "ކުޅިފަސް" ދިރާސާ ކުރުން
- ކުޅިވަރާ ގުޅުންހުރި އިދާރާތަކުގައި "ހިންމި" އެސެސްމެންޓް ހިންގައި، ކޮރަޕްޝަންގެ ހިރާސް ދެނެގަނެ ފިޔަވަޅު އެޅުން
- ދިރާސާތަކުން ފާހަގަވާ ކޮރަޕްޝަންގެ ހިރާސްތައް ކުޑަކުރުމަށް ސިޔާސަތުތައް އެކުލަވާލައި ތަންފީޒުކުރުން
- ކުޅިވަރުގެ ދާއިރާގައި ނަޒާހަތްތެރިކަން ކުރިއެރުވުމަށް މުވައްޒަފުން، ޖަމިއްޔާތައް އަދި އާންމުން ހޭލުންތެރިކުރުވުން
މި ކެންޕޭނު އިފްތިތާޙްކުރުމަށް ބޭއްވުނު ހަފްލާގައި ވަޒީރުގެ އިތުރުން، ސްޕޯޓްސް ކޮމިޝަނަރއާއި ވުޒާރާގެ އިސްވެރިންގެ އިތުރުން ކޮމިޝަނުގެ މެންބަރުންނާއި މުވައްޒަފުން ބައިވެރިވެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
