އެމްއެންޑީއެފްގެ ކެޕްޓަންއެއް ކުއްލިގޮތަކަށް ނިޔާވެއްޖެ

މޯލްޑިވްސް ނޭޝަނަލް ޑިފެންސް ފޯސްގެ ކެޕްޓަންއެއް ކުއްލިގޮތަކަށް ނިޔާވެއްޖެއެވެ.

މައުލޫމާތު ލިބިފައިވާ ގޮތުގައި ނިޔާވެފައިވަނީ ކެޕްޓަން މުހައްމަދު ރާާމިޒުއެވެ. ކެޕްޓަން ރާމިޒް މަަސައްކަތްކުރައްވަމުން ގެންދެވީ އެމްއެންޑީއެފްގެ ނޮދަން އޭރިއާގައެވެ. އޭނާ ނިޔާވި އިރު، އުމުރަކީ 48 އަހަރެވެ.

އެމްއެންޑީއެފް އިން މައުލޫމާތު ދޭގޮތުގައި ރާމިޒް މިއަދު ހަވީރު އެކްސަސައިޒުގައި ބައިވެރިވެ، ދުވަމުންދަނިކޮށް ކުއްލިއަކަށް ވެއްޓިގެން ފަރުވާ ދިނުމަށް ޅ. ނައިފަރު ހޮސްޕިޓަލަށް ގެންދެވުނެވެ.

ކެޕްޓަން ރާމިޒް ސިފައިންގެ ހިދުމަތާ ގުޅިވަޑައިގެންނެވީ 19 އޯގަސްޓް 1995 ގައެވެ. ރާމިޒްގެ ހިދުމަތުގެ މުއްދަތުގައި ހޯއްދަވާފައިވާ ޝަރަފުގެ ނިޝަންތަކުގެ ތެރޭގައި ސިފައިންގެ ހިދުމަތުގެ މެޑަލް، އަހުލާގީ މެޑަލް، 17 ވަނަ ސާކް ސަމިޓް މެޑަލް، ދިގު މުއްދަތެއްގައި ހިދުމަތް ކުރުމުގެ ކުލަ، އަހުލާގީ ކުލަ ތިން ފަހަރަށް ،އިހްލާސްތެރި ހިދުމަތުގެ ކުލަ އަދި ސިފައިންގެ ހިދުމަތުގެ ކުލަ ހިމެނެއެވެ.

ކެޕްޓަން މުހައްމަދު ރާމިޒް ނިޔާވި އިރު ސިފައިންގެ ހިދުމަތުގައި 23 އަހަރާއި 04 މަހާއި 21 ދުވަސް ހޭދަކުރައްވާފައިވެއެވެ. ކެޕްޓަން ރާމިޒްގެ ހަށިގަނޑު މާލެއަށް ގެނައުމުގެ މަސައްކަތް ދަނީ ކުރަމުންނެވެ.