ތިންދުވަސް ވަންދެން މޯޅި ނުވެ ހުންނަ މާ، ހޯދަން ރައީސް އޮފީހުން ކުރި އިއުލާނު ބާތިލް
ލިޔުންތެރިޔާ
އަބްދުﷲ ހުސައިން
ކުރިޔަށް އޮތް ދެ އަހަރު ދުވަހުގެ މުއްދަތަށް ރައީސް އޮފީހަށް މައު ފޯރުކޮށްދޭނެ ފަރާތެއް ހޯދަން އިއުލާން ބާތިކްކޮށްފިއެވެ.
ރައީސުލްޖުމްހޫރިއްޔާގެ އޮފީހުން ހުސްވި ޖުލައިމަހުގެ 15 ވަނަ ދުވަހު ވަނީ، ތިން ދުވަސް ވަންދެން މޯޅި ނުވެ ހުންނަ ބާވަތުގެ މާ އެ އޮފީހަށް ސަޕްލައިކޮށްދޭނެ ފަރާތެއް ހޯދުމަށް އިއުލާނުކޮށްފައެވެ. ރައީސް އޮފީހުން މިއަދު ގެޒެޓްކުރި އިއުލާނުގައި ބުނެފައިވަނީ، މާ ހޯދުމަށް ކުރި އިއުލާނާ ގުޅިގެން 3 ފަރާތަކުން ހާޒިރު ނުވާތީވެ އެ އިއުލާނު ބާތިލްކޮށްފައިވާކަމަށެވެ.
ރައީސް އޮފީހުން މާ ހޯދުމަށް ކުރި އިއުލާނާއެކު، އާއްމު ކޮށްފައިވާ މައުލޫމާލު ޝީޓްގައި ބުނެފައިވާގޮތުގައި އެ އޮފީހަށް ބޭނުން ވަނީ, ތިރިކޮށް, އޯވަލް ޝޭޕަށް ހުންނަ މަލެވެ. އަދި އެ ފޯރުކޮށްދޭ މަލަކީ ތިން ދުވަސް ވަންދެން މޯޅިނުވެ ހުންނަ މަލަށް ވާންޖެހޭނެ ކަމަށް ވެސް ބުނެފައިވާއިރު، ގެންނަ މާ ބޮނޑިއެއްގެ ދިގު މިނުގައި 18 އިންޗި ހުންނަން ޖެހެއެވެ.
ރައީސް އޮފީހުގެ މި އިއުލާނު މީޑިއާތަކުން ގެނައުމުން ވަރަށް ގިނަ ބައެއްގެ ސަމާލުކަން އެ ހަބަރަށް ލިބިގެންދިޔަކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
