މީކާއީލްއާ ފިއްޓޭގެ ނަން އިއްވާ މަޖިލީހުގެ ތަޅުމުން ބޭރުކޮށްފި
ލިޔުންތެރިޔާ
އަހުމަދު ހަމީދު އާދަމް
ރިޔާސީ ބަޔާނަށް އިއްވުމަށް މިހާރު ކުރިއަށްދާ މަޖިލީހުގެ ޖަލްސާގައި ނިޒާމު ގެއްލުވާލާ އަޑުގަަދަ ކުރުމުގެ ސަބަބުން ދެ މެންބަރެއްގެ ނަން އިއްވާ މަޖިލީހުގެ ތަޅުމުން ނެރެފި އެވެ.
ރައީސުލްޖުމްހޫރިއްޔާ ޑރ. މުޙައްމަދު މުޙައްމަދު މުޢިއްޒު ރިޔާސީ ބަޔާން އިއްވަވަން ފެއްޓެވުމާއެކު އެމްޑީޕީގެ މެންބަރުން ވަނީ އިހްތިޖާޖު ކުރަން ފަށާފަ އެެވެ. އަޑުގަދަ ކުރުމާއި ކަށިގަަނޑު ދިޔައީ ފުމެމުންނެވެ.
މަޖިލީހުގެ ރިޔާސަތުން ގެންދެވީ ދޭތެރެ ދޭތެރެއިން އެ މެންބަރުންނަށް ނަސޭހަތްތެރިވަމުންނެވެ. އަދި އެ ނަސޭހަތަށް އަމަލު ނުކުރުމުން ގަލޮޅު ދެކުނު ދާއިރާގެ މެންބަރު މީކާއީލް އަހްމަދު ނަސީމް އާއި ވައިކަރަދޫ ދާއިރާގެ މެންބަރު ހުސައިން ޒިޔާދުގެ ނަން އިއްވާ މަޖިލީހުން ވަނީ ބޭރުކޮށްފަ އެވެ.
މީގެ އިތުރުން އެމްޑީޕީގެ ޗެއާޕާސަން އަދި ހަނިމާދޫ ދާއިރާގެ މެންބަރު އަބްދުލްޣަފޫރު މޫސާގެ ނަން އިއްވާނެ ކަަމަށް މަޖިލީހުގެ ރިޔާސަތުން ވަނީ އިންޒާރު ދީފަ އެވެ.
އަދިވެސް ދޭތެރެ ދޭތެެރެއިން އެމްޑީޕީގެ ބައެއް މެންބަރުން ދަނީ އިހްތިޖާޖުކޮށް އަޑުގަދަ ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
