ގައިދީއަކަށް މަސްތުވާތަކެތި ފޯރުކޮށްދޭން އުޅުނު އުމުރުން ދުވަސްވީ އަންހެނަކު، ކޯޓުން ދޫކޮށްލައިފި
ލިޔުންތެރިޔާ
ޚަދީޖާ އަރުފާ
ގައިދީއަކަށް މަސްތުވާތަކެތި ފޯރުކޮށްދޭން އުޅުނު ކަމަށް ތުހުމަތުވާ، އުމުރުން 50 އަހަރުގެ އަންހެނަކު، ކްރިމިނަލް ކޯޓުން ދޫކޮށްލައިފި އެވެ.
އަންހެން މީހާގެ ބަންދު އަމުރުގައިވާ ގޮތުން، އޭނާ ގައިދީއަކަށް މަސްތުވާތަކެތި ފޯރުކޮށްދޭން މަސައްކަތް ކުރިކަމަށް ބާރު ލިބޭ އެއްވެސް ހެއްކެއް ބަންދު މަޖިލީހަށް ހުށަހަޅާފައެއް ނުވެއެވެ.
އެހެން ކަމުން، ކްރިމިނަލް ކޯޓުގެ ގާޒީ އިބްރާހީމް އިހްސާނު ވަނީ، އެއްވެސް ޝަރުތަކާ ނުލައި އެ އަންހެން މީހާ ދޫކޮށްލަން އަމުރުކޮށްފައެވެ.
ކްރިމިނަލް ކޯޓުގެ، ރިކޯޑްތަކުން ދައްކާ ގޮތުގައި މި އަންހެން މީހާގެ ކޮއްކޮއެއްގެ މައްޗަށް މަސްތުވާތަކެތީގެ މައްސަލައެއްގައި އުމުރު ދުވަހުގެ ޖަލު ހުކުމެއް އިއްވާފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
