ޤައުމު ދެމިއޮތުމަށް ޢާއިލާތައް ބަދަހިވެ ދެމިއޮތުން މުހިންމު: ރައީސް ޑރ.މުޢިއްޒު
ޤައުމު ދެމިއޮތުމަށް ޢާއިލާތައް ބަދަހިވެ ދެމިއޮތުން މުހިންމުކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ރައީސް ޑރ.މުޢިއްޒު މިފަދައިން ވިދާޅުވީ މިއަދު ފާހަގަކުރަމުން ގެންދާ ބައިނަލްއަގުވާމީ އާއިލާތަކުގެ ދުވަހު މުނާސަބަތުގައި އެކްސްގައި ކުރެއްވި ޕޯސްޓެއްގައެވެ.
މިގޮތުން މި ޕޯސްޓްގައި ރައީސް ޑރ.މުޢިއްޒު ވިދާޅުވީ، ގައުމީ ލޯތްބާއި، ގައުމީ ހިދުމަތާއި، ގައުމު ސަލާމަތް ކުރުމުގެ ވިސްނުން އުފެދެނީ އާއިލާތަކުގެ ތެރެއިން ކަމަށާއި، ގައުމު ދެމިއޮތުމަށް އާއިލާތައް ބަދަހިވެ ހަރުދަނާވުން މުހިންމު ކަމަށެވެ.
ކޮންމެ އަހަރެއްގެ މޭ މަހުގެ 15 ވަނަ ދުވަހު ފާހަގަކުރަމުން އަންނަ ބައިނަލްއަގުވާމީ އާއިލާތަކުގެ ދުވަސް އދ އިން ފާހަގަކުރަން ފެށީ 1994 ވަނަ އަހަރުއެވެ. މިއީ ޢާއިލާތައް މުހިންމުވަނީ ކީއްވެކަން ދެނެގަތުމަށާއި، އެމީހުންނަށް ކުރިމަތިވެދާނެ އުނދަގޫތަކަކީ ކޮބައިކަން ދެނެގަނެ، މީހުން އެއްތަނަކަށް އައުމަށް ބާރުއެޅުމުގެ ގޮތުން ފާހަގަކުރަމުންގެންދާ ދުވަހެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
