ހަގީގީ ކޮރަޕްޝަނަކީ ދާއިރާ އެއްބައެއްގެ ދަށުގައި އޮތުން: އިއްބެ
ހަގީގީ ކޮރަޕްޝަނަކީ ދާއިރާ އަބަދުވެސް އެއްބައެއްގެ ދަށުގައި އޮތުންކަމަށް މައްޗަންގޯޅި މެދު ދާއިރާއަށް އަމިއްލަގޮތުން ވާދަކުރައްވާ އައްޝައިޚް އިބްރާހިމް މުހައްމަދު ވިދާޅުވެއްޖެއެވެ.
އިއްބެ މިހެން ވިދާޅުވީ ރޭ އޮތް އެ ދާއިރާގެ ބަހުސްގައި ވާހަކަފުޅު ދައްކަވަމުންނެވެ.
އެބޭފުޅާ ވިދާޅުވީ ފާއިތުވެ ދިޔަ އަހަރުތަކުގައި ވެސް މައްޗަންގޯޅި މެދު ދާއިރާ އޮތީ އެއް ބައެއްގެ އަތްދަށުގައި ކަމަށެވެ އަދި ހަގީގީ ކޮރަޕްޝަނަކީ އެއީކަމުގައި އިއްބެ ސިފަކުރެއްވިއެވެ. އެބޭފުޅާ އިތުރަށް ވަނީ މައްޗަންގޯޅި މެދުދާއިރާގެ ރައްޔިތުން ވެރިކަމަށް ވަޑައިގެން ހުންނެވި ބޭފުޅެއްގެ ޅިއަނަކަށް މެންބަރަކަށް ވުމުގެ ފުރުސަތު ދެއްވީމަ ވާނެ ގޮތާއި މެދު ސުވާލު އުފައްދަވާފައެވެ.
ބެލެވޭ ގޮތުގައި އިއްބެ މިހެން އިޝާރާތްކުރެއްވީ އެ ދާއިރާއަށް ކުރިމަތިލައްވާ ކުރީގެ ރައީސް މުހައްމަދު ނަޝީދަށެވެ.
އިއްބެ ވިދާޅުވީ މަޖިލީހަކީ ގާނޫނު ހަދާ ތަނަކަށްވުމުން އެ މުހިންމު ކަމަކީ މަޖިލީހަށް ކުރިމަތިލާ މީހާގެ ތާރީޚު ސާފުވުން ކަމަށެވެ.
އެގޮތުން އިއްެބެ ވިދާޅުވީ އޭނާއަކީ ސާފުމީހެއް ކަމަށާއި އޭނާގެ މައްޗަކަށް އެއްވެސް ހާލަތެއްގައި ދައުލަތުގެ މުދަލެއްގައި ޖެހިފައި އޮތް ކަމުގެ ތުހުމަތެއް ދެ ފަރާތުގެ އާއިލާގައިވެސް ނުކުރެވޭނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
