އަލިފާނުގެ ހާދިސާ ހިނގި ދޫހިމެރިގެ ތަޅާލުމަށްފަހު މަގު ހުޅުވާލައިފި
މަމަހުގެ 9 ވަނަ ދުވަހު އަލިފާނުގެ ހާދިސާ އެއް ހިނގި ހ.ދޫހިމެރިގެ ތަޅާލުމަށް ފަހު އެމަގު ހުޅުވާލައިފިއެވެ.
އަލިފާނުގެ ހާދިސާގައި ދޫހިމެރިގޭގެ އިމާރާތް ބޭނުންނުކުރެވޭ ވަރަށް އަނދާފައިވާއިރު، ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާއިން އެ އިމާރާތް ތަޅާލުމުގެ މަސައްކަތް ފަށާފައިވަނީ މިމަހުގެ 10 ވަނަ ދުވަހުއެވެ.
މި މަސައްކަތް ނިންމައި، އެ ވުޒާރާއިން އެކްސް ގައި ކުރި ޕޯސްޓެއްގައި ބުނީ، ދޫހިމެރިގެ ތަޅަލައިލުމަށް ޓަކައި ބަންދުކުރި، ދޫހިމެރިމަގު މަސައްކަތް ނިންމުމަށް ފަހު ހުޅުވައިލާފައިވާ ކަމަށާއި، އެ މަސައްކަތް ކުރިއަށް ގެންދިޔައީ އެ ވުޒާރާގެ ޕަބްލިކް ވާރކްސް ޑިޕާޓްމެންޓުން ކަމަށެވެ.
މި ހާދިސާ އާއި ގުޅިގެން ދޫހިމެރިގޭގައި ދިރިއުޅުނު 15 ބިދޭސީންނަށް 7 ދުވަހުގެ ވަގުތީ ބޯހިޔާވަހިކަން އެންޑީއެމްއޭއިން ވަނީ ފޯރުކޮށްދީފައެވެ.
ދޫހިމެރިގޭގެ އިތުރުން އެގެއާއި އިންވެގެން ހުރި 2 ފަންގިފިލާގެ އިމާރާތަށްވެސް އަލިފާނުގެ އަސަރުކޮށް ގެއްލުންވިއިރު، ކައިރީގައި ހުރި ގެތަކަށް ވެސް ދުމުގެ އަސަރު ވަރަށް ބޮޑަށް ކުރިކަން ފާހަގަކޮށްލަން ޖެހެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
