ހުޅުމާލެއިން ދިރިއުޅުމަށް ބީލަމުގެ އުސޫލުން ބިން ވިއްކަން ހުޅުވާލައިފި
ހުޅުމާލެއިން ދިރިއުޅުމަށް ބީލަމުގެ އުސޫލުން ބިން ވިއްކަން ހައުސިން ޑިވެލޮޕްމެންޓް (އެޗްޑީސީ) ހުޅުވާލައިފިއެވެ.
މިއުސޫލުގެ ދަށުން އެޗްޑީސީން ވަނީ 10 ބިމެއް ވިއްކަން ހުޅުވާލާފައެވެ.
މިގޮތުން ބީޗް ފްރޮންޓުން ތިން ބިމެއް ވިއްކަން ހުޅުވާލާފައިވާއިރު، އެއީ 1،638 އަކަފޫޓުގެ ބިމަކާއި 1،559 އަކަފޫޓުގެ ބިމެއްގެ އިތުރުން 3،250 އަކަފޫޓުގެ ބިމެކެވެ.
މީގެ އިތުރުންވެސް، 1،534 އަކަފޫޓުގެ ފަސް ބިމަކާއި، 1،513 އަކަފޫޓުގެ ބިމެއްގެ އިތުރުން 1،230 އަކަފޫޓުގެ ބިމެއް ވިއްކުމަށް އެކޯޕަރޭޝަނުން ވަނީ ހުޅުވާލާފައެވެ.
އެޗްޑީސީން ހާމަކުރިގޮތުގައި، ބީޗް ފްރަންޓް ބިންތަކުގެ ބީލަން ފެށޭ އަގަކީ 4500 ރުފިޔާއެވެ. އަދި ބީޗް ސައިޑުން ވިއްކާ ބިންތަކުގެ ބީލަން ފެށޭ އަގަކީ 4000 ރުފިޔާއެވެ.
އެޗްޑީސީން ބުނީ ބީލަން ހުށަހަޅަން ޝައުގުވެރިވާ ފަރާތްތަކުން ބީލަމުގެ އުސޫލުން ބިން ގަތުމަށް އެދި ހުށަހަޅާނީ ޕޯޓަލް މެދުވެރިކޮށް ކަމަށާއި، ޕޯޓަލްގައި ރަޖިސްޓަރީކޮށް މިހާރު ބީލަން ހުށަހެޅޭނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
