ޖިނާޢީ ބޮޑު ކުށެއްގެ ތުހުމަަތުގައި ހައްޔަރު ކުރުމުން އެދުނީ މަންމަ ޑައިލިސިސް ހަދާތީ ދޫކޮށްލުމަށް
ލިޔުންތެރިޔާ
ޚަދީޖާ އަރުފާ
ޖިނާޢީ ބޮޑު ކުށެއްގެ ތުހުމަަތުގައި ހައްޔަރު ކުރި ދެމީހަކު, އެ ދެމީހުންގެ މަންމަ ޑައިލިސިސް ހަދާ ކަމަށްބުނެ ބަންދުން ދޫކޮށްލަންއެދިއްޖެއެވެ.
މި މައްސަލާގައި ހައްޔަރުކޮށްފައިވަނީ ށ. ފޯކައިދޫ ޗަނބޭލީގޭ ހަސަން ރަޝީދު އަހުމަދު އާއި ހަމަ އެރަށު ސިއުމާމަންޒިލް އިބްރާހިމް މަމްދޫހެވެ.
މިދެމީހުންގެ މައްޗަށްވެސް ތުހުމަތު ކުރެވެނީ ވައްކަމުގެ މައްސަލައެކެވެ. ނަމަވެސް އެ ވައްކަމުގެ ތަފްސީލް ހާމަކޮށްފައެއް ނުވެއެވެ.
ކްރިމިނަލް ކޯޓުގެ ބަންދުގެ އަމުރުގައިވާގޮތުން މިދެމީހުންނަށްވެސް ތުހުމަތުކުރެވޭ ކުށް ކުރި ކަމަށް އެކަށީގެންވާ މިންވަރުގެ ހެއްކާއި ޤަރީނާ ފުލުހުން ވަނީ ހުށަހަޅާފައެވެ.
އަދި ދެމީހުންގެ ފަރާތުން ތަހުގީގުގައި ދައްކާފައިވާ ވާހަކަތަކުގައި، ދެމީހުންވެސް ކުށަށް އިއުތިރާފްވެފައިވާ ކަމަށާ، ޕްރޮސެކިއުޓާ ޖެނެރަލްއާއެކު އެއްބަސްވުމެއް ހެދުމެއް ބޭނުންވާ ކަމަށް އަމުރުގައި ވެއެވެ.
މީގެ އިތުރުން އަމުރުގައި އަމުރުގައި ބުނެފައިވާ ގޮތުން، ދެމީހުންވެސް ވަނީ ބަންދަށް ލުޔެއް ދިނުމަށް އެދިފައެވެ. ސަބަބެއް ކަމުގައި އެމީހުން ބުނީ، ތުއްތު ދެކުދިން ބަލަންޖެހުމާއި މަންމަ ޑަޔަލިސިސް ހަދަންޖެހުމެވެ.
ނަމަވެސް މައްސަލަ ބެއްލެވި ޤާޞީ ޞަފްޢަތު ޚަބީބު ވަނީ އެ ދެ މީހުންގެ ބަންދަށް ވެސް އިތުރު 30 ދުވަސް ޖަހައިފައެވެ.
ދެމީހުންގެވެސް ބަންދު ލޮގު އޮތްއިރު ތުހުމަތު ކުރެވޭ މައްސަލައިގެ ތަހުގީގު ނިންމައި ޕްރޮސިކިއުޓާ ޖެނެރަލް އޮފީހަށް, ދައުވާ ކުރުމަށް ފޮނުވައިފައިވާ ކަމަށް ބަންދު އަމުރުގައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
