އައްޑޫ ސިޓީ ކައުންސިލުން ހުޅަހެޅި ވަގުތު ނޫޙުގެ މައްސަލަ ބަލަނީ!
ވަގުތު ނޫހުން ލިޔުނު ޚަބަރަކާއި ގުޅިގެން އެ ނޫހާއި ދެކޮޅަށް އައްޑޫ ސިޓީ ކައުންސިލުން ހުށައެޅި މައްސަލައެއްް މީޑިޔާ ކައުންސިލުން ބަލަން ފަށައިިިފިއެވެ.
މިކަމާއި ގުޅިގެން އެ ކައުންސިލުން ވަގުތު ނޫހަށް ފޮނުވި ސިޓީއެއްގެ ކޮޕީ ވޮއިސްއަށް ވަނީ ލިބިފައެެވެ.
ވަގުުތު އޮންލައިންގެ ޗީފް އެޑިޓަރ މުޝައްރަފް ހަސަން ދީދީއަށް އެޑްރެސްކޮށް ފޮނުވި އެ ސިޓީގައި ބުނެފައިވަނީ "ސަރުކާރުގެ ވައުދު ނުފުއްދުމުން އައްޑޫގައި ކަނޑުފޭރޭ މީހުންގެ ދިދައެއް ނަގައިފި" ނަމުގައި އެ ވެބްސައިޓްގައި ޚަބަރެއް ޝާއިއުކޮށްފައިވާތީ އައްޑޫ ސިޓީ ކައުންސިލުން މައްސަލަ ހުށައަޅާފައިވާ ކަމަށެވެ.
އެހެންކަމުން އެ ޝަކުވާގެ މައްސަލައަށް ހައްލެއް ހޯދުމަށްޓަކައި ކުރި މަސައްކަތުގެ ލިޔެކިޔުމާއި، އޭގެ ނަތީޖާ މިމަހުގެ 22ވަނަ ދުވަހުގެ ކުރިން އެމްއެމްސީއަށް ފޮނުވައިދިނުމަށް ވަނީ އެދިފައެވެ.
މީޑިޔާ ކައުންސިލްގެ ގާނޫނުގެ 25ވަނަ މާއްދާގެ ހ ގައި ވާ ގޮތުގައި މީޑިޔާގެ ވަސީލަތެއްގައި ޝާއިއުކޮށްފައިވާ އެއްޗަކާއި މެދު ހިތްހަމަނުޖެހޭނަމަ އެ ވަސީލަތެއްގެ އެޑިޓަރަށް ނުވަތަ ޒިންމާވާ ފަރާތަށް އަންގަން ޖެހެއެވެ. އަދި ދެފަރާތުގައި ވާހަކަ ދެކެވިގެން މައްސަލައަށް ހައްލެއް ހޯދަން ޖެހެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
