އައު ފިކުރެއް އުފަންވެއްޖެ؛ ކުރިއަށް ހުރީ އުފާވެރި ދުވަސްތަކެއް: ނަބީހު

އައު ސިޔާސީ ފިކުރެއް އުފަންވެފައިވާ ކަމަށް ރޯޑް ޑިވޮލަޕްމަންޓް ކޯޕަރޭޝަން، އާރްޑީސީގެ ޑެޕިޔުޓީ މެނޭޖިންގ ޑިރެކްޓަރ އިބްރާހީމް ނަބީހު ވިދާޅުވެއްޖެއެވެ.

އިއްޔެ ބޭއްވުނު ރައްޔިތުންގެ މަޖިލީހުގެ އިންތިޚާބުގައި ވެރިކަންކުރާ ޕީއެންސީއަށް މަޖިލީހުގެ ސުޕަމެޖޯރިޓީ ލިބުމާއި ގުޅިގެން އެކްސްގައި ކުރެއްވި ޕޯސްޓެއްގައި ނަބީހު ވިދާޅުވީ، ދިވެހި ރައްޔިތުން ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ސަރުކާރަށް އިތުބާރު ކޮށްފައިވާ ކަމަށެވެ. އަދި އެކަމަށްޓަކައި ރައްޔިތުންނަށް ޝުކުރު އަދާކުރައްވާ ކަމަށްވެސް ވިދާޅުވިއެވެ.

އައު ފިކުރެއް އުފަންވެ ނިމިއްޖެ. ޝުކުރިއްޔާ ދިވެހި ރައްޔިތުން. ދިވެހި ރައްޔިތުން ރައީސް ޑރ މުއިއްޒުގެ ސަރުކާރަށް އިތުބާރު ކުރައްވައިފި. މި ފެށުނީ ދިވެހީންގެރާއްޖެ އަށް ދިއުމުގެ ދަތުރު. ކުރިޔައް ހުރީ އުފާވެރި ދުވަސްތަށް. މިފެށުނީ ރައީސް ޑރ މުއިއްޒުގެ ދައުރު.

އާރްޑީސީގެ ޑެޕިޔުޓީ މެނޭޖިންގ ޑިރެކްޓަރ އިބްރާހީމް ނަބީހު

‏⁦‪އިއްޔެ އޮތް މަޖިލިސް އިންތިހާބު ގައި ސަރުކާރު ހިންގާ ޕީއެންސީ އިން ވަނީ 70 ގޮނޑި ހޯދާފައެވެ

އަދި ރައީސް ތާއީދު ދެއްވި ކެންޑިޑޭޓުންނާ އެކު ސަރުކާރަށް އެއްބާރުލުން ދޭނެ 75 މެންބަރުން ވިހިވަނަ މަޖިލީހުގައި ތިބޭނެ ކަން ވަނީ ޔަގީން ކުރެވިފައެވެ.

މި ސަރުކާރު ފެށިގެން އައި އިރު ޕީއެންސީގައި 10،000 މެންބަރުންވެސް ހަމަ ނުވެއެވެ. އެހެން ނަމަވެސް ރައީސް މުއިއްޒުގެ އެދުމުގެ މަތިން ޕާޓީ މެންބަރުން އިތުރު ކުރުމުގެ މަސައްކަތް ފަށައި، މިހާރު އެ ޕާޓީގެ މެންބަރުންގެ އަދަދު 28،236 އަށް އަރާފައިވާ ކަމަށް އީސީގެ ހިސާބުތަކުން ދައްކައެވެ.