"ދަ ލެގަސީ" ދަރުހަށް އިސްލާމީ މަރުކަޒު މައިޒާން ދޫނުކުރި!
ޕީސް ފައުންޑޭޝަންގެ ފަރާތުން އިންތިޒާމްކޮށްގެން ބޭއްވުމަށް ތައްޔާރުވަމުންދާ "ލަ ލެގަސީ" ދަރުސް ބޭއްވުމަށް އިސްލާމީ މަރުކަޒު މައިޒާން ދޫނުކުރުމަށް މާލޭ ސިޓީ ކައުންސިލުން ނިންމައިފިއެވެ.
ވޮއިސްއަށް މައުލޫމާތު ދެމުން މި އިވެންޓްގެ އޮފިޝަލަކު ބުނީ އެ ދަރުސް އެތަނުގައި ބޭއްވުމަށް ތައްޔާރުވަމުން ދަނިކޮށް، އެތަން ދޫނުކުރެވޭނެކަމަށް ސިޓީ ކައުންސިލުން އަންގާފައިވާ ކަމަށެވެ.
އަދި އެތަން ދޫނުކުރުމަށް ނިންމީ އެ ސަރަހައްދުގައި މީހުން އެއްވާ ހަރަކާތްތައް ނުބޭއްވުމަށް ސަރުކާރުން ނިންމާފައިވާ ސަަރަހައްދަކަށް ވުމުންކަމަށް ސިޓީ ކައުންސިލާއި ހަވާލާދީ ދަރުސްގެ އޮފިޝަލް ވަނީ ބުނެފައެވެ.
މީގެ ސަބަބުން ޕީސް ފައުންޑޭޝަނާއި ދަރުސް އިންތިޒާމްކުރާާ ފަރާތްތަކަށް ދަތިތަކާއި ކުރިމަތިލާާން ޖެހިފައިވާކަން އޮފިޝަލް ވަނީ ފާހަގަކުރައްވާފައެެވެ. އެގޮތުން ޖުލައިމަހުގެ ފަސްވަނަ ދުވަހު އިސްލާމީ މަރުކަޒު މައިދާނުގައި އެ ދަރުސް އޮންނާނެކަމަށް އިސްތިހާރުތަކާއި ބެނާތަކުގައި ވަނީ މިހާރުވެސް ޖަހާފައެވެ.
"ދަ ލެގަސީ" އިވެންޓަކީ 2017 ވަނަ އަހަރުން ފެށިގެން ކުރިއަށް ގެންދާ އިވެންޓެކެވެ. މިފަހަރު މިބާއްވަނީ މިސިލްސިލާގެ ހަތަރުވަނަ އިވެންޓެވެ.
މިފަހަރުގެ ލެގަސީ އިވެންޓުގައި ތަޤްރީރު ކުރުމަށް ހަމަޖެހިފައިވަނީ އެމެރިކާގެ އައިރިސް ދަރިކޮޅަށް ނިސްބަތްވާ އައްޝައިޚް އަބްދުއްރަހީމް މަކާރިޘީއެވެ.
"ދަ ލެގަސީ" އިވެންޓް ކުރިއަށް ގެންދާ ޕީސް ފައުންޑޭޝަން އަކީ 2010 އަހަރުުން ފެށިގެން ދީނީ-އިޖުތިމާއީ ޙަރަކާތްތައް ހިންގަމުން އަންނަ ޖަމްޢިއްޔާއެކެވެ. ޕީސް ފައުންޑެޝަން ގެ މައިގަނޑު މަޤްޞަދަކީ ތަޢުލީމާއި ތަމްރީނުގެ ތެރެއިން ހެޔޮލަފާ ރަނގަޅު މުޖުތަމަޢެއް ބިނާކުރުމެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
