މިއަދު ރޯދަ ވީއްލާ ގަޑިއަށް، އައިސް އަލަމާރީގައި ގިނަ ވެފަ ހުރި އަނބުތަކުން އަނބު ޕުޑިން ހަދާލަމާ

މި ދުވަސްވަރަކީ އަނބު މޫސުން ކަމުން، ވަރަށް ގިނަ ގޭގޭގައި އަނބު ގިނަވެ، އެއިން ތައްޔާރު ކުރާނެ އެއްޗެއް ނެތީގެން އުޅެން ވަނީ ޖެހިފައެވެ. ނޫނީ އަނބުން މީރު އެއްޗެއް ހަދާލައިގެން ކާލާ ހިތްވެފައި، ހަދާނެ އެއްޗެއް ކަނޑަނޭޅިގެން އުޅޭ މީހުން މަދެއް ނޫނެވެ. އެހެން ކަމުން، މިއަދު ވޮއިސްގެ ބަދިގެއިން މި ގެނެސްދެނީ އަނބުން މީރު ޑިޝްއެއް ތައްޔާރު ކުރާނެ ގޮތުގެ ރެސިޕީއެވެ.

ބޭނުންވާ ތަކެތި

250ގ އަނބު (އޮށް ނަގައި ތޮށި މަށައި، ކޮށާފައި)

250ގ ހެވީ ކްރީމް

250 މިލިލީޓަރ ފުލް ކްރީމް ކިރު

40ގ ހަކުރު

15ގ ޖެލަޓިން

އަނބު ކިޔުބްކޮށް ކޮށާފައި (ގާނިޝް ކުރުމަށް)

ތައްޔާރު ކުރާނެ ގޮތް

1) އައިސް ފެން ތަށްޓެއްގެ ތެރެއަށް ޖެލަޓިން ޝީޓްތައް ލާފައި ފޯކުރަން ބަހައްޓާފައި، ފޯ ވުމުން، ތަވައަކަށް އަޅައި އެ ގިރެންދެން ހަލުވަމުން ކައްކާށެވެ.

2) އަނބުގެ ތެރެއަށް ކިރުފޮދު އަޅައިގެން މިކްސްސަރުން ރަނގަޅަށް އަނބު ޕިޔުރީ ހަދާލާށެވެ.

3) ދެން އެ ޕިޔުރީ ތަށްޓަކަށް އެޅުމަށްފަހު، އޭގެ ތެރެއަށް ޖެލަޓިން އެޅުމަށްފަހު ރަނގަޅަށް އެކުލަވާލާށެވެ.

4) އެއަށްފަހު ވިޕް ކްރީމާއި ހަކުރު ރަނގަޅަށް ވިޕް ވަންދެން ހޭންޑްމިކްސަރުން މިކްސް ކުރާށެވެ. ވިޕް ވުމުން، އަނބު މިކްސްސަރ އެއަށް އެޅުމަށްފަހު އެވެސް އެކުލަވާލާށެވެ.

5) ދެން ތަށި ތަށްޓަށް ޕުޑިން އަޅާލުމަށްފަހު މަދުވެގެން 4 ގަޑިއިރުވަންދެން އައިސް އަލަމާރިއަށްލައި ފިނި ކޮށްލާށެވެ. ފިނި ވުމުން، ގާނިޝްކުރުމަށް ބެހެއްޓި އަނބު ކޮޅު އަޅާލައިގެން ކާންވީއެވެ.