ޑރ.އަފްރާޝީމްގެ މަރުގެ މައުލޫމާތުތައް ކޮމިޝަނާއި ހިއްސާކޮށްފިން: ރިޔާޒު
2013ވަނަ އަހަރުގެ ތެރޭގައި ދިރިއުޅުއްވާ ގޭގެ ސިޑިމަތީގައި ވަރަށް އަނިޔާވެރިކޮށް މަރާލާފައި އޮއްވާ ފެނުނު ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެންބަރު މަރުހޫމް ޑރ.އަފްރާޝީމް އަލީގެ މަރުގެ މައްސަލައިގައި ރައްޔިތުންގެ މަޖިލީހުގެ ތިމަރަފުށި ދާއިރާގެ މެންބަރު އަބްދުﷲ ރިޔާާޒާއި، މަރުތަކާއި ބެހޭ ކޮމިޝަނުން ސުވާލުކޮށްފިއެވެ.
ޑރ.އަފްރާޝީމްގެ މަރުގެ ހާދިސާ ހިނގައިގެން ދިޔައިރު، އަބްދުﷲ ރިޔާޒް ހުންނެވީ ކޮމިޝަނަރ އޮފް ޕޮލިސްގެ މަގާމުގައެވެ. ރިޔާޒް ވަނީ މި މައްސަލައިގައި އޭރު ލިބިވަަޑައިގެންނެވި ބައެއް މައުލޫމާތުތައް ރަނގަޅު ވަގުތުޖެހުމުން ހާމަކުރައްވާނެކަމަށް ވިދާޅުވެފައެވެ.
ރިޔާޒު މިއަދު ކުރެއްވި ޓްވީޓެއްގައި ވިދާޅުވީ ޑރ.އަފްރާޝީމް އަވަހާރަކޮށްލި މައްސަލައިގައި އެބޭފުޅާއަށް ލިބިފައިވާ ހުރިހާ މައުލޫމާތެއް މަރުތަކާއި ބެހޭ ކޮމިޝަނާއި މިއަދު ހިއްސާކުރައްވާފައި ވާނެކަމަށެވެ.
އަދި ކޮމިޝަންގެ މެންބަރުން ކުރެއްވި އެންމެހާ ސުވާލުތަކަށްެވެސް ޖަވާބުދެއްވާފައިވާނެކަމަށް ރިޔާޒް ވިދާޅުވިއެވެ.
ޑރ.އަފްރާޝީމްގެ މަރުގެ މައްސަލައިގެ ތަފްސީލްތައް ހާމަކުރައްވާނެކަމަށް މަރުތަކާއި ބެހޭ ކޮމިޝަންގެ ރައީސް ޑރ.ހުސްނުއްސުއޫދު މީގެ ކުރިން ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
