"ގްލޯބަލް ސުމޫދް ފްލޮޓިއްލާ" އިން އެދެނީ ވެވުނު ގޮތަކަށް ޣައްޒާއަށް އެހީވުމަށް

އިސްރާއީލް ސިފައިން ޣައްޒާ ހިފުމަށް ދެމުންގެންދާ ހަމަލާތައް ވަރުގަދަ ކޮށްފައިވާއިރު، މިއީ އެ ސިޓީ ހިސޯރު ނައްތާލުމަށް  އާންމުންގެ ފަރާތުން އެންމެބޮޑަށް އެއްބާރުލުން ބޭނުންވާ ވަގުތުކަމަށް ގްލޯބަލް ސުމޫދު ފްލޮޓިއްލާ މޫވްމަންޓުން ބުނެފިއެވެ.

އިސްރާއީލް ހިސޯރުކުރުމަށް ޔަހޫދީ ސިފައިންގެ އޮޕަރޭޝަންތައް ވަރުގަދަކޮށްފައިވާއިރު، އެ ކަމާ ދެކޮޅަށް އެންމެބޮޑަށް މަސައްކަތްކުރަމުންގެންދާ "ގްލޯބަލް ސުމޫދް ފްލޮޓިއްލާ"ގެ ޓިއުނީޝިޔާގެ ގްރައުންޑް ޓީމުން ދަނޫ މިވަގުތު ހާއްސަ މަސައްކަތްތަކެއް ކުރަމުންނެވެ. އެ ޖަމާއަތުގެ ޓީމްތައް މިހާރުވެސް ދަނީ ޔޮޓްތަކުގައި ޢައްޒާސިޓީއާ ދިމާލަށް ދަތުރުކުރުމަށް މަސައްކަތް ކުރަމުންނެވެ. މިގޮތުން ބައެއް ތީމުތައް ފުރުވާލާފައިވާއިރު، މިހާރުވެސް ބައެއް ޓީމުތަކުގައި ބައިވެރިވާ ފަރާތްތައް ރަޖިސްޓަރ ވުމުގެ މަސައްކަތް ދަނީ ކުރަމުންނެވެ.

މިކަމާ ގުޅޭގޮތުން އެޖަމާއަތުގެ ފަރާތުން ރާއްޖެ ތަމްސީލްކުރާ އިންޓަރނޭޝަނަލް އެއިޑް ކެމްޕެއިނުން ބުނެފައިވަނީ ޣައްޒާ ހިސޯރު ނައްތާލުމަށް ޓިއުނީޝިއާއިން ފުރުމަށް ހަމަޖެހިފައިވާ ބޯޓުތަކަށް އެރުމަށް އެތައް ގައުމެއްގެ ބައިވެރިން އެބަ ތިބިކަމަށެވެ.

"ބަނޑުހައިހޫނުކަމާއި ޤަތުލްއާންމުގެ މެދުގައި ތާށިވެ މަރަށް ހުށައެޅިފައިތިބި އަހަރެމެންގެ އަޚުންނާއި އުޚްތުންގެ ފުރާނަ ސަލާމަތްކުރެވޭތޯ ކުރެވެން ހުރި ހުރިހާ ކަމެއް އަދި ދެވެން ހުރި ހުރިހާ ޕްރެޝާރއެއް ދިނުމަކީ މި ދަނޑިވަޅުގަ އަހަރެމެން އެންމެ ވެސް ކުރަންޖެހޭނެ ކަމެއް" އައިއޭސީން ބުންޏެވެ.

އިސްރާއީލް ސިފައިން ޢައްޒާ ހިފުމަށް ދެމުންދާ ހަމަލާތައް ވަރުގަދަކޮށްފައިވާއިރު، ޣައްޒާގެ ގިނަ އަދަދެއްގެ ރައްޔިތުން މިހާރު ތިބީ އެސިޓީގެ އަތިރިމަތީގައެވެ. އެގޮތުން ގިނަ އަދަދެއްގެ ރައްޔިތުން އަތިރީމަތީ ކޭމްޕްތަކުގައި ތިބިއިރު، މުޅި އެ ސަރަހައްދު ވަނީ ފުރިފައެވެ.