ޕޯޓްގެ މަސައްކަތްތަކަށް މީހުން ތަމްރީންކުރަން ޕްރޮގްރާމެއް ފަށަނީ
ވިޔަފާރި ބަނދަރުތަކުގައި ކުރެވޭ އެކި މަސައްކަތްތަކަށް މީހުން ތަމްރީނުކުރުމުގެ އެއްބަސްވުމެއްގައި މޯލްޑިވްސް ޕޯޓްސް ލިމިޓެޑުން ޓިވެޓް އޮތޯރިޓީއާއިއެކު ސޮއިކޮށްފިއެވެ.
މިއަދު ސޮއިކުރި މި އެއްބަސްވުމުގެ ދަށުން މައިގަނޑު ގޮތެއްގައި ތަމްރީން ފޯރުކޮށްދޭނީ އެމްޕީއެލްގެ މުވައްޒަފުންނަށެވެ. އެހެން ނަމަވެސް ބަނދަރުތަކުގައި މަސައްކަތް ކުރުމަށް ޝައުގުވެެރިވާ ފަރާތްތަކަށް ވެސް ތަމްރީންތަކުގައި ބައިވެރިވުމުގެ ފުރުސަތު ހުޅުވާލާނެއެވެ.
އެމްޕީއެލްގެ ސީއީއޯ ޝާހިދު އަލީ ވިދާޅުވީ ޕޯޓް ދާއިރާއަކީ ތަމްރީނު ލިބިފައި ތިބި މީހުން މަދު ކަމަށާއި ތަމްރީން ޕްރޮގްރާމްތަކުގެ އެހީގައި އެ މައްސަލަ ހައްލުކުރެވޭނެ ކަމަށް އުއްމީދު ކރުައްވާ ކަމަށެވެ. އަދި ޓިވެޓް އޮތޯރިޓީން ހިންގާ ޕްރޮގްރާމްތަކުގެ އެހީގައި ރާއްޖޭގެ ޕޯޓްތަކުގައި މަސައްކަތް ކުރުމަށް މީހުން ޝައުޤުވެރިކަން އިތުރުކުރުުމަކީ ކުންފުނީގެ އަމާޒެއް ކަމަށެވެ.
ތަމްރީން ކުރިއަށް ގެންދިއުމަށް ހަމަޖެހިފައިވާ ދާއިރާތައް:
އޮޓޮމޯޓިވް މެއިންޓަނަންސް، އިލެކްޓްރިޝަން، ކަރޕެންޓްރީ، އައިޓީ، މެރިން މެކޭނިކްސް އަދި އެއަރކޮންޑިޝަން އެންޑް ރެފްރިޖެރޭޓަރ ކޯސް.
ޓިވެޓާއި ގުޅިގެން ކުރިއަށްގެންދާ 6 މަސް ދުވަހުގެ މުއްދަތަކަށް ކުރިއަށް ގެންދާ ލެވެލް 3ގެ ކޯސްތަކުގެ ފުރަތަމަ ބުރުގައި 100 ފަރާތަކަށް ފުރުސަތު ދިނުމަށް ވަނީ ހަމަޖެހިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
