ރައީސް ޔާމީންގެ މައްސަލަ ބެންޗަކުން ނުބަލާތީ ކަންބޮޑުވަން: އާސިފް
ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ މައްޗަށް އުފުލިފައިވާ މަނީ ލޯންޑްރިންގެ ދައުވާގެ މައްސަލަ ކްރިމިނަލް ކޯޓުގެ އިސްގާޒީ އަހުމަދު ހައިލަމް އެކަނި އިނދެގެން ބައްލަވަމުން ގެންދަވާތީ، ރައީސް ޔާމީންގެ ގާނޫނީ ވަކީލުންގެ ޓީމުން ކަންބޮޑުވުން ފާޅުކުރައްވައިފިއެވެ.
ވޮއިސްއަށް ދެއްވި ޚާއްސަ އިންޓަރވިއުއެއްގައި އެމަނިކުފާނުގެ ގާނޫނީ ވަކީލެއްކަމުގައިވާ އަލްއުސްތާޛު އާދަމް އާސިފް ވިދާޅުވީ މިދިޔަ އެޕްރީލްމަހުގެ 21ވަނަ ދުވަހުގައި ކްރިމިނަލް ކޯޓަށް ފޮނުވި ސިޓީއަކުންވެސް ރައީސް ޔާމީންގެ މައްސަލަ ބެންޗަކުން ބަލައިދިނުމަށް އެދިފައިވާނެކަމަށެވެ. އެއީ ރައީސް ޔާމީންގެ ބަންދާއި މެދު ގޮތެއް ނިންމުމަށް ބޭއްވި އަޑުއެހުމުގައި ކަންކަން ހިނގައިިދިޔަ ގޮތުންކަމަށް އާސިފް ފާހަގަކުރެއްވިއެވެ.
ނަމަވެސް އެކަމާއި މެދު މިހާތަަނަށް ކްރިމިނަލް ކޯޓުގެ ފަނޑިޔާރުންގެ މަޖިލީހުން ގޮތެއް ނުނިންމަވާ ޝަރީއަތް ކުރިއަށް ގެންދަވަމުންދާކަމަށް އާސިފް ވިދާޅުވިއެވެ.
އެ މައްސަލަ ސުޕްރީމް ކޯޓަށް ހުށައެޅުުމުން އެ މައްސަލަ، އަލުން ކްރިމިނަލް ކޯޓަށް ހުށައެޅުމަށް ސުޕްރީމް ކޯޓުން އެންގިކަމަށް ވަނީ ވިދާޅުވެފައެެވެ.
އާސިފް އިތުރަށް ވިދާޅުވީ ކޯޓުތަކާއި ބެހޭ މާއްދާގެ 55ގެ ހ އާއި ފަނޑިޔާރުންެގެ ގާނޫނުގެ 29ވަނަ މާއްދާގެ ދަށުން ބެންޗެއް ކަނޑައެޅުމާއި މެދު އިސްގާޒީ ހައިލަމް ގޮތެއް ނިންމަވަން ޖެހޭނެކަމަށެވެ. ނަމަވެސް ގޮތެއް ކަނޑަނާޅާ މާދަމާ މައްސަަަލަ ކުރިއަށް ގެންދިއުމާއި މެދު ރައީސް ޔާމީންގެ ގާނޫނީ ވަކީލުންގެ ޓީމުންގެ ފަރާތުން ކަންބޮޑުވާކަމަށް އާސިފް ވިދާޅުވިއެވެ.
އެހެން ނަމަވެސް ރައީސް ޔާމީންގެ ޝަރީއަތް ލައިވްކުރުމަށް ނިންމުމާއި މެދު ފަނޑިޔާރުންގެ މަޖިލީހުން ގޮތެއް ނިންމުނުކަމަށް އާސިފް ފާހަަގަކުރެއްވިއެވެ.
ފޮޓޯ: ވަން
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
