ޓެކްސީތަކުގެ އަގުތައް އަދިވެސް ކަނޑައެއްނޭޅޭ: ޓްރާންސްޕޯޓް
މާލެއާއި ހުޅުމާލެއާއި ދެމެދު ދަތުރުކުރާ ޓެކްސީތަކުގެ ރަސްމީ އަގެއް އަދިވެސް ކަނޑަނޭޅޭކަމަށް ޓްރާންސްޕޯޓް މިނިސްޓްރީން ބުނެފިއެވެ.
ވޮއިސްއިން ކުރި ސުވާލަކަށް ޖަވާބުދެއްވަމުން ޓްރާންސްޕޯޓް މިނިސްޓްރީގެ މީޑިޔާ އޮފިޝަލް ވިދާޅުވީ ޓެކްސީތަކުން ޗާޖްކުރެވޭނެ އެންމެ މަތީ އަގު އަދި ކަނޑައެޅިފައިވާ ނުވާކަމަށާއި، އެކަމުގެ މަޝްވަރާތައް އަދިވެސް ކުރިއަށްދާކަމަށެވެ.
މިދިޔަ އަހަރުގެ ތެރޭގައި ޓެކްސީތަކުން މާލެ-ހުޅުލެ-ހުޅުމާލެ ދެމެދު ކުރާ ދަތުރުތަކަށް ސަރުކާރުން ހަމަޖެއްސި އަގުތައް މާ ކުޑަކަމަށްބުނެ، އަދި އެ އަގަށްވުރެ ބޮޑުކޮށް ނަގާ ފަރާތްތަކާއި މެދު ފިޔަވަޅު އަޅަން ނިންމުމުން ޓެކްސީ ޑްރައިވަރުން ވަނީ ނުރުހުން ފާޅުކޮށް އިހުތިޖާޖުކޮށްފައެވެ.
ޓެކްސީ ޑްރައިވަރުން ބުނިގޮތުގައި ޓްރާންސްޕޯޓް މިނިސްޓްރީން އަގުތައް ކަނޑައަޅާފައިވާ މިންވަރަކީ ހަގީގަތުގައި ކުޑަ އަދަދެކެވެ. އަދި މިހާރުގެ އަގުން ޓެކްސީ ދަތުރަށްފަހު ޕެޓްރޯލްގެ ހަރަދު ހޯދެނީ ކިރިޔާކަމަށްވެސް އެފަރާތްތަކުން ވަނީ ބުނެފައެވެ.
ސިނަމާލެ ބްރިޖް ހުރަސްކޮށް ހުޅުލެއަށް ދަތުރު ކުރުމަށް ޓްރާންސްޕޯޓް މިނިސްޓްރީން ހަމަޖައްސާފައި ވަނީ 35ރ. އެވެ. ހުޅުމާލެ އާއި މާލެއާ ދެމެދު ދަތުރު ކުރާ އަގެއްގެ ގޮތުގައި ކަނޑައަޅާފައިވަނީ 40ރ. އެވެ. ނަމަވެސް ޓެކްސީ ޑްރައިވަރުން ދަނީ ހުޅުމާލެ ކޮޅަކަށް 100 ރުފިޔާ ޗާޖުކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
