ހައިވޭ ހުޅުމާލެއަށް އަރަންދާ މަގުގައި ނުރައްކާތެރި އެކްސިޑެންޓެއް ހިނގައިފި
ލިޔުންތެރިޔާ
އަބްދުﷲ ހުސައިން
ސިނަމާލެ ބްރިޖް ހައިވޭ ހުޅުމާލެއަށް އަރަންދާ މަގުގައި ނުރައްކާތެރި އެކްސިޑެންޓެއް މިރޭ ހިނގައިފިއެވެ.
މަންޒަރުދުށް ބައެއް ފަރާތްތަކުން ވޮއިސްއާ މައުލޫމާތު ހިއްސާކުރަމުން ބުނެފައިވަނީ، މި އެކްސިޑެންޓް ހިނގާފައިވަނީ ސައުކަލެއް ކާރުގައި ޖެހިގެންކަމަށެވެ. މި އެކސިޑެންޓް ވުމާއެކު ސައިކަލުގައި އިން މީހާ ވެއްޓުނުއިރު، އޭނާ އަޅައިގެން އިން ހެލްމެޓްވެސް ވަނީ އެކްސިޑެންޓްވި ވަގުތު ވިއްސައިގެން ގޮސްފައެވެ.
މި ހާދިސާގައި ސައިކަލް ދުއްވަން އިން މީހާއަށް ސީރިއަސް އަނިޔާތަކެއް ނުވާކަމަށް މަންޒަރުދުށް ފަރާތްތަކުން ބުންޏެވެ. ނަމަވެސް ވެއްޓުމުގެ ސަބަބުން އޭނާގެ ހަށިގަނޑުގެ ބައެއް ތަންތަން މަށައިގެން ގޮސްފައިވާކަމަށް އެފަރާތްތަކުން ބުނެއެވެ.
އެކްސިޑެންޓް ހިނގިތާ މާ ގިނައިރެއްނުވެ އެ ސަރަހައްދަށް ފުލުހުން އައިސްފައިވާކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
