1000 ޒުވާން ޚަތީބުން ތަމްރީނުކުރުން: ދޮޅު އަހަރުތެރޭ 503 ޚަތީބުން ތަމްރީނުކޮށްފި
ލިޔުންތެރިޔާ
އަހުމަދު ހަމީދު އާދަމް
މި ދައުރުގެ ތެރޭގައި 1000 ޒުވާން ޚަތީބުން ތަމްރީނުކުރުމުގެ މަޝްރޫއުގެ ދަށުން މިހާތަނަށް 500 ވުރެ ގިނަ ޚަތީބުން ތަމްރީނު ކޮށްފި އެވެ.
ޒުވާން ޚަތީބުން ތަމްރީނު ކުރުމަށް ވަކި މަޝްރޫއުއެއް ވަނީ ފަށާފަ އެވެ. އެ މަޝްރޫއުގެ ދަށުން މިހާތަނަށް ތިން ބުރެއް ވަނީ ކުރިއަށް ގެންގޮސްފަ އެވެ. އެ ގޮތުން ފުރަތަމަ ބުރުގައި 65 ޚަތީބުން ވަނީ ތަމްރީނު ކޮށްފަަ އެވެ. ދެވަނަ ބުރުގައި 169 ޚަތީބުން ތަމްރީނު ކޮށްފައިވެ އެވެ.
އަދި ތިންވަނަ ބުރުގައި 269 ޚަތީބުން ތަމްރީނު ކޮށްފައިވެ އެވެ. އިސްލާމިކް މިނިސްޓްރީން ބުނި ގޮތުގަައި މިހާތަނަށް 503 ޒުވާން ޚަތީބު ތަމްރީނު ކޮށްފަ އެވެ.
މިނިސްޓްރީން ބުނި ގޮތުގައި މި ތަމްރީނު ފުރިހަމަކޮށް ހަތީބުކަމުގެ ސަނަދު ދޫކުރާނީ އިންޓަވިއު ނިންމާ، ޓްރެއިނިން ސެޝަންތަކުގެ ހުރިހާ ސެޝަންއަކަށް ހާޒިރުވެ ލިޔުމުގެ އިމްތިހާނުން ވެސް ފާސްވާ ބައިވެރިންނަށެވެ.,
މާލޭގައި ދިރިއުޅޭ ދަރިވަރުންނަށް ކުރިއަށް ގެންދަނީ ފޭސްޓު-ފޭސްކޮށް ސެޝަންތަކެވެ. ރަށްރަށުގައި އަދި ރާއްޖެއިން ބޭރުގައި އުޅޭ ދަރިވަރުންގެ ސެޝަންތައް ކުރިއަށް ގެންދަނީ އޮންލައިންކޮށެވެ.
މިހާތަނަށް ތަމްރީނުކުރެވުނު ޒުވާން ޚަތީބުގެ ތެރެއިން ބައެއް ޚަތީބުން ދަނީ ބައެއް މިސްކިތްތަކުގައި އިމާމުކަން ކުރަމުންނެވެ. އަދި ހުކުރު ނަމާދު އިމާާމުވެ ކޮށް ހުތުބާ ކިޔަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
